ପଦ୍ମପୁର:ପଦ୍ମପୁର ସ୍ଥାନୀୟ ବିଜୁ ପାର୍କ ପରିସରେ ମଧ୍ୟରେ ଥିବା ବରିଷ୍ଠ ନାଗରିକ ଅବସର ବିନୋଦନ କେନ୍ଦ୍ର ଉଦଘାଟିତ ହୋଇଯାଇଛି | ଏହି ଅବସରରେ ମୁଖ୍ୟ ଅତିଥି ବିଧାୟିକା ବର୍ଷା ସିଂ ବରିହା ଏବଂ ସମ୍ମାନିତ ଅତିଥି ଏନ୍.ଏ.ସି ଅଧ୍ୟକ୍ଷା ସାବିତ୍ରୀ ବାଗ ଯୋଗଦେଇଥିଲେ | ଅତିଥିଙ୍କ ଦ୍ବାରା ପାର୍କ ପରିସସରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିବା ପରେ ଅବସର ବିନୋଦନ କେନ୍ଦ୍ରର ଶୁଭ ଲୋକାର୍ପଣ କରିଥିଲେ | ଏହି ଲୋକାର୍ପଣ ଉତ୍ସବରେ ନବୀନ ପାଢୀ, ବିଶିକେଶନ ଦୋରା, ବାଞ୍ଛାନିଧି ପଣ୍ଡା ପିତାମ୍ବର ଗଡତିଆ, ଗୋବିନ୍ଦ ଚନ୍ଦ୍ର ପାଣିଗ୍ରାହୀ, ବେଣୁ ମାଧବ ଦୋରା, ଅମୂଲ୍ୟ ସାହୁ ଙ୍କ ସମେତ ଶତାଧିକ ବରିଷ୍ଠ ନାଗରିକ ମାନେ ଯୋଗଦାନ କରି ଥିବା ବେଳେ ଜୟନାରାୟଣ ତ୍ରିପାଠୀ ବକ୍ତା ଭାବେ ଯୋଗଦେଇ ଥିଲେ l ବରିଷ୍ଠ ନାଗରିକଙ୍କ ପାଇଁ ଏହି କେନ୍ଦ୍ରରେ ବାତାନୁକୁଲିତ କୋଠରି ଓ ପାଇଖାନା ମଧ୍ୟ ରହିଛି | ବରିଷ୍ଠ ନାଗରିକ ମାନଙ୍କ ସମୟ ବିତେଇବା ପାଇଁ ବିଭିନ୍ନ ଖବର କାଗଜ ,ଏଲ୍.ଇ.ଡି ଟିଭି,କ୍ୟାରେମ୍ ବୋର୍ଡ୍,ଲୁଡୁ ପଟି ଗୁଡିକ ଦେଖିବାକୁ ମିଲିଛି | ଅବସର ଜୀବନରେ ଏଠାକୁ ଆସି ବରିଷ୍ଠ ନାଗରିକ ମାନେ ନିଜର ସମୟ ବିତେଇ ଖୁସି ଅନଭବ କରିପାରିବେ |