ପଦ୍ମପୁର-ମାରାଥନ ପ୍ରଚାରରେ ପଦ୍ମପୁର ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ଗୋବର୍ଦ୍ଧନ ଭୋଏ । ନାମାଙ୍କନ ଦାଖଳ ପରେ ଶ୍ରୀ ଭୋଏ ପଦ୍ମପୁରରେ ପଦ୍ମ ଫୁଟାଇବା ପାଇଁ ଲାଗି ପଡିଛନ୍ତି । ଶ୍ରୀ ଭୋଏ ଆଜି ପଦ୍ମପୁର ବ୍ଲକର ଜମଲା ଗ୍ରାମ ଏବଂ ପାଇକମାଲ ବ୍ଲକର ଝାରମୁଣ୍ଡା, କେଛୋମାଲ, ଛେଲିଆମାଲ, ନୂଆଗାଁ, ହୀରାପୁର, ଚୁହାପାଳି, ମାଣ୍ଡିଆଢିପା, କେନାବୁଦା ଗ୍ରାମରେ ଘରକୁ ଘର ଯାଇ ଭୋଟରଙ୍କୁ ଭେଟି ସ୍ୱଚ୍ଛ ସୁଶାସନ ଉତ୍ତରଦାୟୀ ସରକାର ଗଠନ ପାଇଁ ତୃତୀୟଥର ପାଇଁ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ ବନେଇବା ପାଇଁ ଲୋକ ସଭାପ୍ରାର୍ଥୀ ପ୍ରଦୀପ ପୁରୋହିତ ଙ୍କୁ ଭୋଟ ଦେବା ଏବଂ ଓଡ଼ିଶାରେ ଡବଲ ଇଞ୍ଜିନ ସରକାର ଗଠନ ପାଇଁ ପଦ୍ମଫୁଲ ଚିହ୍ନରେ ଭୋଟ ଦେଇ ବିଜୟୀ ତାଙ୍କୁ ବିଜୟୀ କରି ବିଧାନସଭା କୁ ପଠେଇବା ପାଇଁ ଭୋଟ ଭିକ୍ଷା କରିଥିଲେ । ଏହି ପ୍ରଚାର ସମୟରେ ତାଙ୍କ ସହିତ ମଣ୍ଡଳ ସଭାପତି ଭିଷ୍ମଦେବ ସାହୁ, ଜିଲ୍ଲା ପରିଷଦ ସୁରେନ୍ଦ୍ର ପ୍ରତାପ ସିଂ ବରିହା, ସୁରଭି ବରିହା, ପୁରନ୍ଦର ସାହୁ, ପୂର୍ବତନ ଜିଲ୍ଲା ପରିଷଦ ବଳରାମ ସାହୁ, ଅଜିତ ସାହୁ, ପୂର୍ବତନ ସରପଞ୍ଚ ବାବୁଲାଲ ଧରୁଆ, ବଳରାମ ବନଛୋର ପ୍ରମୁଖ ସାମିଲ ହୋଇଥିଲେ ।
