ଅତାବିରା(ସୁରେନ୍ଦ୍ର କଠାର)-ଅତାବିରା ବ୍ଳକ୍ ଅଧିନସ୍ଥ ବୁଗବୁଗା କ୍ଲଷ୍ଟର ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପତ୍ରାପାଲି ଠାରେ ଚଳିତ ଶିକ୍ଷାବର୍ଷ ର ତୃତୀୟ କ୍ଲଷ୍ଟର ସ୍ତରୀୟ ମାସିକ ବୈଠକ ସି.ଆର.ସି.ସି. ନନ୍ଦିଘୋଷ ଭୁଏ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ମୌଳିକ ସାକ୍ଷରତା ଓ ସଂଖ୍ୟଜ୍ଞାନ,ନମୁନା ପାଠ ଯୋଜନା, ଶିକ୍ଷଣ ଟ୍ରାକର, ବିଲ୍ଡିଁ ବ୍ଳକ୍ ଆପ,ଶ୍ରେଣୀ ପର୍ଯ୍ୟବେକ୍ଷଣ ସାଧନୀ,ଜାତୀୟ ଉପଲବ୍ଧି ସର୍ବେକ୍ଷଣ ପ୍ରସ୍ତୁତି ଉପରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା ।
ଇଉଡାଇସ ପ୍ଲସ,ନବୋଦୟ ପ୍ରବେଶିକା ପରୀକ୍ଷା ପାଇଁ ଆବେଦନ ଏବଂ ଇନ୍ସପାଆର୍ଡ ପୋର୍ଟାଲ ରେ ପ୍ରକଳ୍ପ ଅପ୍ଲୋଡ୍ ପାଇଁ ମଧ୍ୟ ସି.ଆର.ସି.ସି ମହାଶୟ ସମସ୍ତ ଶିକ୍ଷକ ଶିକ୍ଷୟିତ୍ରୀ ଙ୍କୁ ନିର୍ଦ୍ଦେଶ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟରେ ପ୍ରଧାନ ଶିକ୍ଷକ ନାରାୟଣ ବିଶି, ସହକାରୀ ଶିକ୍ଷୟିତ୍ରୀ ବବଳିରାଣୀ ଗଡତିଆ,ରଞ୍ଜିତା କ୍ଷେତୀ,ମଥୁରା ପଧାନ,ସଞ୍ଜୀବ ପର୍ଡିଆ ସହଯୋଗ କରିଥିଲେ ।
