ଗାଇସିଲେଟ-ଗାଇସିଲେଟ ବ୍ଲକ ପଞ୍ଚାୟତ ସମିତି ମହାବିଦ୍ୟାଳୟର ଯୁବ ରେଡକ୍ରସ୍ ଓ ରେଡ୍ ରିବନ୍ କ୍ଲବ ପକ୍ଷରୁ ରବିବାର ବିଶ୍ଵ ଏଡ୍ସ ଦିବସ ପାଳିତ ହୋଇଯାଇଛି । ଅଧ୍ୟକ୍ଷ ଡ. ଜୟକେତନ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଯୁକ୍ତ ତିନି କାଉନସେଲର ପ୍ରାଧ୍ୟାପକ ନାରାୟଣ ମିଶ୍ର, ଝରଣା ସାହୁ , ଯୁକ୍ତ ଦୁଇ କାଉନସେଲର ପ୍ରତୀକ୍ଷା ଡନସନା, ହେମନ୍ତ କୁମାର ପଣ୍ଡା ମଞ୍ଚାସୀନ ଥିଲେ । ମଞ୍ଚାସୀନ ଅତିଥି ମାନେ ଏଡ୍ସ ରୋଗର ଲକ୍ଷଣ ଓ ନିରାକରଣ ଉପରେ ଆଲୋକପାତ କରିଥିଲେ ।
ଏହି ଅବସରରେ ଆୟୋଜିତ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା । ଅଧ୍ୟକ୍ଷ ଙ୍କ ଅଭିଭାଷଣରେ ବେଳ ଥାଉ ଥାଉ ସାବଧାନ ରହିବା ପାଇଁ ଯୂଥ ରେଡକ୍ରସ ସ୍ୱେଚ୍ଛାସେବୀ ସେବିକା ମାନଙ୍କୁ ସଚେତନ କରାଇଥିଲେ । ପରିଶେଷରେ ପ୍ରାଧ୍ୟାପକ ନାରାୟଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ଓ ଅଧ୍ୟକ୍ଷଙ୍କ ନିର୍ଦ୍ଦେଶରେ ସଭା ସାଙ୍ଗ କରାଯାଇଥିଲା ।
