ଗାଇସିଲେଟ-ଇଂରାଜୀ ନବବର୍ଷକୁ ସମସ୍ତେ ଆଡ଼ମ୍ବରରେ ପାଳନ କରୁଥିବା ବେଳେ ବଣଭୋଜି କରି ଲୋକେ ମଉଜ ମଜଲିସ କରିଥାନ୍ତି କିନ୍ତୁ ଗାଇସିଲେଟ ୟୁଥ କ୍ଲବ ଏଥର କିନ୍ତୁ ନୂଆ ବର୍ଷକୁ ଏକ ନିଆରା ଢଙ୍ଗରେ ପାଳନ କରିଛି l ୟୁଥ କ୍ଲବ ସଭାପତି ରଞ୍ଜନ କୁମାର ପଣ୍ଡାଙ୍କ ସଭାପତିତ୍ବରେ କ୍ଲବରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଗାଇସିଲେଟର ସମସ୍ତ ବୁଦ୍ଧିଜୀବୀ ଗାଇସିଲେଟ ବ୍ଲକ ପ୍ରଶାସନ ଏବଂ ପୁଲିସ ପ୍ରଶାସନକୁ ନେଇ ଗାଇସିଲେଟ ଅଞ୍ଚଳର କେମିତି ଉନ୍ନତି ହୋଇପାରିବ ଏବଂ ପ୍ରଶାସନ ଓ ପବ୍ଲିକର ମିଳିତ ସହଯୋଗରେ ସମସ୍ତ କାର୍ଯ୍ୟ କେମିତି ସୁରୁଖୁରୁରେ ହେବ ତାହାର ରୋଡ ମ୍ୟାପ୍ ତିଆରି କରିବା ପାଇଁ ଆଲୋଚନା ହୋଇଥିଲା l
ତେବେ ୟୁଥ କ୍ଲବ ହେଉଛି ସର୍ବ ପୁରାତନ କ୍ଲବ । ଭାଇସ ଚାନ୍ସେଲରଠୁ ନେଇ ଅନେକ ପ୍ରାଧ୍ୟାପକ,ପ୍ରଶାସକ,ରାଜନୈତିଜ୍ଞଙ୍କୁ ଏହି କ୍ଳବ୍ ଗଢ଼ି ପାରିଛି ବୋଲି ପୂର୍ବତନ ସଭାପତି ଡକ୍ଟର ସୁନିଲ କୁମାର ପଣ୍ଡା କହିଥିଲେ l ଏହି କାର୍ଯ୍ୟକ୍ରମରେ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମାନ୍ ଲକ୍ଷ୍ମଣ ମାଝୀ, ତହସିଲଦାର ଟିଟସ ମହାନନ୍ଦିଆ,ଥାନାଧିକାରୀ ପ୍ରଶାନ୍ତ ସାମଲ ପ୍ରମୁଖ ଯୋଗ ଦେଇଥିବା ବେଳେ କ୍ଲବର ବହୁ ବରିଷ୍ଠ ସଦସ୍ୟ ସାମିଲ ହୋଇଥିଲେ । ତେବେ ନୂତନ ବର୍ଷରେ ଏଭଳି ଏକ ମହତ କାର୍ଯ୍ୟକ୍ରମରେ ସମସ୍ତେ ଯୋଗ ଦେଇଥିବାରୁ କ୍ଲବ ତରଫରୁ ରଞ୍ଜନ ପଣ୍ଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
