କୁଚିଣ୍ଡା(ତପନ ଦାଶ)- ସମ୍ବଲପୁର ଜିଲ୍ଲା କୁଚିଣ୍ଡା ଅତିରିକ୍ତ ଦୌରା ଜଜ୍ ଏକ ଐତିହାସିକ ରାୟ ଶୁଣାଇଛନ୍ତି। ଏକ ହତ୍ୟା ମାମଲାର ସାକ୍ଷ ପ୍ରମାଣକୁ ଆଧାର କରି ଏଭଳି ନିଷ୍ପତି ଦେଇଛନ୍ତି । ସୂଚନା ଅନୁସାରେ ୨୦୨୧ ମସିହାରେ ପ୍ରେମ ବ୍ୟାପାରକୁ ନେଇ ଜଣେ ଯୁବକ ନିଜ ଶଶୁରକୁ ମାରିଦେଇଥିବା ନେଇ ମହୁଲପାଲି ଥାନାରେ ଅଭିଯୋଗ ହୋଇଥିଲା ।
ସେହି ଅଭିଯୋଗ ଆଧାରରେ ମହୁଲପାଲି ଥାନା କେସ ନମ୍ବର ୦୦୮୨ ଓ ଜି.ଆର କେସ ନମ୍ବର ୩୬୯/୨୦୨୧ ସେଶନ କେସ୍ ନମ୍ବର ଏସ.ଟି ୫୫/୨୧ IPC ଧାରା ୩୪୧, ୨୯୪,୩୨୩,୩୫୪,୫୦୬,୩୦୭ ,୪୯୮ (A) ୩୦୨। ୨୨/୦୭/୨୦୨୧ ମାମଲା ରୁଜୁ ହୋଇଥିଲା । ଅଭିଯୁକ୍ତ ଜ୍ୱାଇଁକୁ ପୋଲିସ ଗିରଫ କରି ଜେଲ ହାଜତକୁ ବିଚରାଧୀନ ଭାବେ ପଠାଇ ଦେଇଥିଲା ।
ତେବେ ଘଟଣାରୁ ପ୍ରକାଶ ମୁଦାଲା ପିଣ୍ଟୁ ମୁଣ୍ଡା, ମୀନ ମୁଣ୍ଡାର ଝିଅକୁ ଭଲପାଇ ପ୍ରେମ ବିବାହ କରିଥିଲା ଓ ଅନେକ ଦିନ ଉଭୟ ସ୍ଵାମୀ ସ୍ତ୍ରୀ ଆଗରେ ବାହାରେ ରହୁଥିଲେ । ଘରକୁ ଆସିଲା ପରେ ଘରେ ଗଣ୍ଡଗୋଳ ହୋଇ ମୀନ ମୁଣ୍ଡାକୁ ମାରିଦେବା ବାବଦରେ କୁଚିଣ୍ଡା ଅତିରିକ୍ତ ଅଦାଲତରେ କେସ ଚାଳୁଥିଲା । ଉକ୍ତ କେସରେ ସମୁଦାୟ ୩୧ ଜଣ ସାକ୍ଷୀଙ୍କ ପୋଲିସ ବୟାନ ରେକର୍ଡ କରିଥିଲା ।
ଯାହା ଦୀର୍ଘ ୩ ବର୍ଷ (୨୦୨୧ ରୁ ୨୦୨୪ ) ଧରି କେସ ଚାଲୁଥିଲା । ଯାହାକି ଆଜି ପ୍ରମାଣ ଅଭାବରୁ ମୁଦାଲା ପିଣ୍ଟୁ ମୁଣ୍ଡାକୁ ଦୋଷ ମୁକ୍ତ କରି ନିର୍ଦୋଷରେ ଖଲାସ କରିଛନ୍ତି । ମୁଦାଲା ପକ୍ଷରୁ ବରିଷ୍ଠ ଓକିଲ ରଞ୍ଜନ କୁମାର ଶର୍ମା କେସକୁ ପରିଚାଳନା କରୁଥିଲେ ।
