ପଦ୍ମପୁର-ନିଖୋଜର ତିନିଦିନ ପରେ ମିଲିଲା ଯୁବକଙ୍କ ମୃତଦେହ । ପଦ୍ମପୁର ଉପଖଣ୍ଡ ବରିହାପାଲି ଗାଁର ସତ୍ୟବାନ ପ୍ରଧାନଙ୍କ ପୁଅ ରାଧେଶ୍ୟାମ ପ୍ରଧାନ ଗତ ୨୧ ତାରିଖରୁ ନିଖୋଜ ଥିବା ତାଙ୍କ ବାପା ସତ୍ଯବାନ ପଦ୍ମପୁର ଥାନାରେ ଲିଖିତ ଅଭିଯୋଗ କରିଥିଲେ । ହେଲେ ତିନିଦିନ ପରେ ଆଜି ଉକ୍ତ ନିଖୋଜ ଯୁବକଙ୍କ ମୃତଦେହ ବୁଡେନ ଥାନା ଅନ୍ତର୍ଗତ ଦର୍ଲିଗୁଡା ନିକଟସ୍ଥ ଏକ ବିଳରେ ପଡିଥିବା ଦେଖିବାକୁ ମିଲିଥିଲା ।
ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଥିଲା । ପରେ ସନ୍ଧାନୀ କୁକୁର ଓ ସାଇନଟିଫିକ ଟିମ ମାଧ୍ୟମରେ ମଧ୍ଯ ତଦନ୍ତ ଜାରି ରଖିଛି । ଶବ ଜବତ କରି ବ୍ଯବଚ୍ଛେଦ ପାଇ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଛି । କେଉଁ କାରଣରୁ ଓ କାହିଁକି ଏ ଯୁବକଙ୍କୁ ହତ୍ୟା କରାଗଲା ତାହା ଏବେ ମଧ୍ଯ ରହସ୍ଯ ଘେରରେ ରହିଛି ଓ ପୋଲିସ ତଦନ୍ତ ଜାରି ରଖିଛି ।
