ପଦ୍ମପୁର-ମେଲଛାମୁଣ୍ଡା ଥାନା ଅର୍ନ୍ତଗତ ତେଲମହୁଲ ଛକରୁ ଦୁବୁଲାବାହାଲ ଛକ ରାସ୍ତା ମଝିରେ ଥିବା ହୋଟେଲ ସଙ୍ଗମ ପାଖରେ ଗୁଦେରପାଲି ପଟରୁ ଯାଉଥିବା ଏକ ଧାନ କଟା ମେସିନ୍ ବୋଝେଇ ଟ୍ରକ ଓଡି ୩୧ ଡି ୯୨୯୧ ଦୃତଗତିରେ ଯାଇ ଭାରସାମ୍ୟ ହରାଇ ରାସ୍ତାର ବାମ ପାଶ୍ୱର୍ରେ ଥିବା ଏକ ଗଛରେ ବାଡେଇ ଦୁର୍ଘଟଣା ଗ୍ରସ୍ତ ହୋଇଛି।
ଉକ୍ତ ଗାଡିରେ ଡ୍ରାଇଭରକୁ ମିସି ତିନିଜଣ ବସିଥିବା ଯଣାପଡିଛି। ଗାଡିରେ ଚାପିହୋଇ ଦୁଇଜଣ ବ୍ୟକ୍ତି ମହେନ୍ଦ୍ର ଚିନ୍ଦ୍ରିଆ (୨୩) ଏବଂ ବଲରାମ ଧରିଆ (୨୨) ଉଭୟଙ୍କ ଦୁଇ ଗୋଡ଼ମାନ ଭାଙ୍ଗି ଯାଇଛି।ଆହତ ବ୍ୟକ୍ତି ମାନେ ବିନିକା ଥାନା ଅଞ୍ଚଳର ବୋଲି ଜଣାପଡ଼ିଛି।
ଦୁର୍ଘଟଣା ଘଟାଇ ଡ୍ରାଇଭର ଘଟଣା ସ୍ଥଲରୁ ଫେରାର ହୋଇଯାଇଥିବା ବେଳେ ମେଲଛାମୁଣ୍ଡା ପୁଲିସ ଘଟଣା ସ୍ଥଳରେ ପହଞ୍ଚି ଜନସାଧାରଣଙ୍କ ସହାୟତାରେ ଦୁଇଜଣ ଆହତ ବ୍ୟକ୍ତିକୁ ଉଦ୍ଧାର କରି ଡାକ୍ତରଖାନା ପଠାଇଥିବା ମେଲଛାମୁଣ୍ଡା ଥାନାଧିକାରୀ ସୁଚିସ୍ମିତା ମହାନ୍ତି ସୂଚନା ଦେଇଛନ୍ତି।
