ପଦ୍ମପୁର – ପଦ୍ମପୁର ଛତିଶଗଡ ସିମାନ୍ତ ଅଞ୍ଚଳ ସୋହେଲା ଅଞ୍ଚଳରେ ନିଶା କାରବାର ବଢିବାରେ ଲାଗିଛି । ମଦ,ଗଞେଇ, କୋରେକ୍ସ, ନିଶା ଔଷଧ ବିକ୍ରି ହେଉଥିବା ଖବର ସାମନାକୁ ଆସିଥାଏ । ହେଲେ ଏବେ କିଛି ଅସାଧୁ ବ୍ୟକ୍ତି ଏହି ସିମାନ୍ତ ଅଞ୍ଚଳରେ ବ୍ରାଉନସୁଗର ବିକ୍ରି କରି ଯୁବ ଗୋଷ୍ଠୀଙ୍କୁ ଅସାମାଜିକ ସ୍ରୋତକୁ ଠେଲି ଦେଉଛନ୍ତି । ସୋହେଲା ପୋଲିସ ୪ ଗ୍ରାମ ୧୬୦ ମିଲିଗ୍ରାମ ବ୍ରାଉନ ସୁଗର ଜବତ କରିବା ସହିତ ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି ।
ସୋହେଲା ଥାନା କେସ ନମ୍ବର 325 ୩୨୫ ତାରିଖ ୨୨/୦୮/୨୦୨୩ , NDPS ଆଇନର ଧାରା 21 (a) ଅନୁଯାୟୀ ମାମଲା ଦାୟର କରି ସୋହେଲା ଉପରପଡାର ରୁକ୍ସାର ବେଗମ, ଆଫ୍ରୋଜା ବାନୁ @ ପିଙ୍କି ଏବଂ ଶେଖ ନିୟାଜ ଅହମଦ @ ଲକୀଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଉପଖଣ୍ଡ ପୋଲିସ ଅଧିକାରୀ ବିଭୂତି ଭୂଷଣ ଭୋଇ ସୂଚନା ଦେଇଛନ୍ତି।
