ବରଗଡ଼- ସୋହେଲା ବ୍ଲକର କନଗାଁ କ୍ଲଷ୍ଟରର ସରକାରୀ ବିଦ୍ୟାଳୟଗୁଡ଼ିକରେ ଦ୍ବିତୀୟ ମାସିକ ଅଭିଭାବକ ଶିକ୍ଷକ ମିଳିତ ବୈଠକ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ଦମକିପାଲି ପ୍ରାଥମିକ ବିଦ୍ୟାଳୟ ଠାରେ ଦିନ ଦଶଟା ସମୟରେ ପରିଚାଳନା କମିଟୀର ସଭାପତି ବେଣୁପାଣୀ ମେହେରଙ୍କ ସଭାପତିତ୍ବ ତଥା ପ୍ରଧାନଶିକ୍ଷକ ହେମଚନ୍ଦ୍ର ବେହେରାଙ୍କ ସଂଯୋଜନାରେ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ କନଗାଁ ସି ଆର ସି ସି କେଦାରନାଥ ସାହୁ ଯୋଗଦେଇ ଉପସ୍ଥିତ ଅଭିଭାବକ ଅଭିଭାବିକା ମାନଙ୍କୁ ମାର୍ଗଦର୍ଶନ କରିଥିଲେ ।
ଏହାପରେ ଫାଇଲେରିଆ ବଟିକା ଖୁଆଇବାର କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିଲା । ଆଶାକର୍ମୀ ବିଲାସିନୀ କଲେତ, ଅଙ୍ଗନବାଡ଼ି କର୍ମୀ ସର୍ବପ୍ରିୟା ସାହୁ ଫାଇଲେରିଆ ନିରାକରଣ ଉପରେ ବକ୍ତବ୍ଯ ପ୍ରଦାନ କରିଥିଲେ । ଶେଷରେ ସହକାରୀ ଶିକ୍ଷକ ନରେଶ ନାଏକ ଧନ୍ୟବାଦ ଅର୍ପଣ କରିଥିଲେ ।
