ପଦ୍ମପୁର-ପଦ୍ମପୁର ଉପଖଣ୍ଡ ଟାଲ ଗ୍ରାମ ପଞ୍ଚାୟତ ଦିପ୍ତିପୁର ଠାରେ ବଡଦିନ ପର୍ବ ଅବସରରେ ଖ୍ରୀଷ୍ଟମାସ କପ ଉଦଘାଟିତ ହୋଇଯାଇଛି। ଏହି ଟୁଣ୍ଣାମେଣ୍ଟରେ ୧୬ଟି ଦଳ ଅଂଶ ଗ୍ରହଣ କରିବେ।ଉଦଘାଟନୀ ମ୍ୟାଚ ବାଲିପଟା ଦଳ ଓ ଖଣ୍ଡା ଦଳ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ଏଥିରେ ବାଲିପଟା ଦଳ ବିଜୟୀ ହୋଇଥିଲା। ଉଦଘାଟନୀ ସମାରୋହରେ ମୁଖ୍ୟଅତିଥି ରେଭେନ ର୍ମସୀ ସୌରଭ କୁମାର ଯୋଗଦେଇଥିବା ବେଲେ ସମ୍ମାନୀତ ଅତିଥି ଭାବେ ଶ୍ରୀମାନ ଅମିତରାଜ ଦୀପ,ଶ୍ରୀମତୀ ସୁନନ୍ଦା ସୁନା,ଶିବିରକାନ୍ତ କୁମାର ପ୍ରମୁଖ ଯୋଗଦେଇ କରିଥିଲେ।
ପ୍ରାରମ୍ଭିକ ପ୍ରାର୍ଥନାପରେ ଆଚାର୍ଯ୍ୟ ର୍ମସୀ ସୌରଭ କୁମାର ଫିତା କାଟି ଟୁଣ୍ଣାମେଣ୍ଟକୁ ଉଦଘାଟନ କରିଥିଲେ। ଦ୍ବିତୀୟ ମ୍ୟାଚ ଝୁନୁଙ୍ଗାପାଲି ଦଳ ଓ ଜାମପାଲି ଦଳ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା।ଏଥିରେ ଜାମପାଲି ଦଳ ବିଜୟୀ ହୋଇଥିଲା।ପ୍ରଥମ କ୍ବାଟର ଫାଇନାଲ ମ୍ୟାଚ ଜାମପାଲି ଦଳ ଓ ବାଲିପଟା ଦଳ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିବା ବେଲେ ବାଲିପଟା ଦଳ ବିଜୟୀ ହୋଇ ପ୍ରଥମ ସେମିଫାଇନାଲକୁ ପ୍ରବେଶ କରିଛି।
ଏହି ଖ୍ରୀଷ୍ଟମାସ କପର ଉଦ୍ଦେଶ୍ୟ ବଡଦିନ ପର୍ବ ଅବସରରେ ଅଂଚଳର ଖେଳାଳି ମାନଙ୍କ ସହ ଭାଇଚାରା ଆଖି ଆଗରେ ରଖି ଉଦଯାପନୀ ସମାରୋହ ଦିନ ଅଞ୍ଚଳ ଅସହାୟ ବୃଦ୍ଧା ,ଛାତ୍ରଛାତ୍ରୀ ମାନଙ୍କୁ ଶୀତ ବସ୍ତ୍ର,ସ୍କୁଲ ସାମଗ୍ରୀ ବଣ୍ଟନ କରାଯାଏ।ଦ୍ବିତୀୟ ଦିବସର ପ୍ରଥମ ମ୍ୟାଚ ବବଜା ଦଳ ଓ ଭେଉଁରିଆ ଦଳ ମଧ୍ୟରେ ଭେଉଁରିଆ ବିଜୟୀ ହୋଇଥିଲା। ଦ୍ବିତୀୟ ମ୍ୟାଚ ଟିଚରଇଲେଭେନ ଦଳ ଓ ବୁରୋମୁଣ୍ଡା ଦଳ ମଧ୍ୟରେ ଟିଚରଇଲେଭେନ ଦଳ ବିଜୟୀ ହୋଇଥିଲା।
ଟିଚରଇଲେଭେନ ଦଳ ଓ ଭେଉଁରିଆ ଦଳ ମଧ୍ୟରେ କ୍ବାଟରଫାଇନାଲ ମ୍ୟାଚ ଅନୁଷ୍ଠିତ ହୋଇଥିବା ବେଲେ ଭେଉଁରିଆ ଦଳ ବିଜୟୀ ହୋଇ ଦ୍ବିତିୟ ସେମିଫାଇନାଲକୁ ପ୍ରବେଶ କରିଛି।ତୃତିୟ ଦିବସର ପ୍ରଥମମ୍ୟାଚ ଦିପ୍ତିପୁର ଓ ଜମଲା ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିବା ବେଲେ ଜମଲା ବିଜୟୀ ହୋଇଥିଲା। ଦ୍ବିତୀୟ ମ୍ୟାଚ ଖଏରପାଲି ଓ ନଅଁଗା ଦଳଧ୍ୟରେ ମ୍ୟାଚ ଅନୁଷ୍ଠିତହୋଇଥିବା ବେଲେ ଖଏରପାଲି ଦଳ ବିଜୟୀ ହୋଇଥିଲା।
ଜମଲା ଓ ଖଏରପାଲି ଦଳ ମଧ୍ୟରେ କ୍ବାଟରଫାଇନାଲ ମ୍ୟାଚ ଅନୁଷ୍ଠିତହୋଇଥିବା ବେଲେ ଖଏରପାଲି ଦଳ ବିଜୟୀ ହୋଇ ସେମିଫାଇନାଲକୁ ପ୍ରବେଶ କରିଛି। ଏଥିରେ ଖ୍ରୀଷ୍ଟଦତ୍ତ ନନ୍ଦ,ହନୁ ଅଗ୍ରଓ୍ବାଲ,ସୁମିତ ବିଶ୍ବାଲ,ଉମେଶ ଭୋଇ,ନରୋତ୍ତମ ପଧାନ ଖେଳ ପରିଚାଲନା କରୁଥିବାବେଲେ ସୁଜୟ ସାଗର,ସମୀର କୁମାର ନାଗ୍,ଶୁଶିଲ ଦୀପ ଧାରାବିବରଣୀ ଦେଇଥିଲେ । ସ୍କୋରିଙ୍ଗ ଦାୟିତ୍ବରେ ସାମୁଏଲ କଲେତ ତୁଲାଇଥିଲେ। ଏଥିରେ ସିଓ୍ବାୟଏଡି କ୍ଲବର ସମସ୍ତ ସଦସ୍ୟ ସହଯୋଗ କରିଥିଲେ।
