କୁଚିଣ୍ଡା(ତପନ ଦାଶ)-ସମ୍ବଲପୁର ଉତ୍ତରାଞ୍ଚଳ ରାଜସ୍ୱ କମିସନର ସଚିନ ରାମଚନ୍ଦ୍ର ଯାଦବ ନୂତନ ଭାବେ ଯୋଗଦେବା ପରେ ପ୍ରଥମ କରି କୁଚିଣ୍ଡା ଉପଖଣ୍ଡ ଗସ୍ତରେ ଆସିଥିଲେ । ଗସ୍ତ ଅବସରରେ ରାଜସ୍ୱ କମିଶନର ଉପଖଣ୍ଡର ଷଣ୍ଢପଥର ଆବାସିକ ଉଚ ବିଦ୍ୟାଳୟ , କୁଚିଣ୍ଡା ମୁକୁନ୍ଦି ଷ୍ଟାଡିୟମ , ଇନଡୋର ଷ୍ଟାଡିୟମ , କଲେଜ ପଡିଆ ଆଦି ପରିଦର୍ଶନ କରିଥିଲେ ।ଖେଳାଳୀଙ୍କ ପାଇଁ ଉଦ୍ଦିଷ୍ଟ ଭିତିଭୁମିର କିଭଳି ରକ୍ଷଣା ବେକ୍ଷଣା ହେଉଛି ସେ ନେଇ ପ୍ରଶାସନିକ ଅଧିକାରୀ ଏବଂ ଅନ୍ୟମାନଙ୍କ ସହିତ ଆଲୋଚନା କରିଥିଲେ । ମହାବିଦ୍ୟାଳୟ ସ୍ଥିତ ପଡିଆରେ କ୍ରିଡାର ବିକାଶ ଦିଗରେ ଯୋଜନା କରାଯିବା ନେଇ ଆଲୋଚନା କଲେ ।
ଅନ୍ୟପଟେ ଷଣ୍ଢପଥର ଉଚ୍ଚବିଦ୍ୟାଳୟ ପରିଦର୍ଶନ କରି ବିଦ୍ୟାଳୟର ଆନୁସାଙ୍ଗିକ ସ୍ଥିତି ପରଖିବା ସହିତ ପିଲାଙ୍କ ସହିତ ଆଲୋଚନା କଲେ । ଗସ୍ତ ସମୟରେ ପୁର୍ବତନ ବିଧାୟକ କିଶୋର ଚନ୍ଦ୍ର ନାଏକ , କୁଚିଣ୍ଡା ଉପଜିଲ୍ଲାପାଳ ହେମସାଗର ଭୋଇ , ବିଡିଓ ନିରଞନ ସା , ଡେପୁଟି କଲେକ୍ଟର ପ୍ରବୀଣା ବିଲୁଙ୍ଗ , ପୁର୍ତବିଭାଗ ଏସ.ଇ , ଏସଡିଓ , ଏନଏସି କାର୍ଯ୍ୟନିର୍ବାହୀ ଅଧିକାରୀ ଗୈାରବ ପ୍ରଧାନ , ସହରର ବୁଦ୍ଧିଜୀବୀ , କଂଗ୍ରେସ ନଗର ସଭାପତି ବୁଲା ସିଂ , ଟୁଲୁ ଶର୍ମା ଙ୍କ ସମେତ କୋଚ , ଖେଳାଳି ପ୍ରମୁଖ ଉପସ୍ଥିତ ଥିଲେ ।
