ଭେଡେନ(ଭବାନୀ ଶଙ୍କର ପାଢୀ)-ବରଗଡ ଜିଲ୍ଲା ଭେଡେନ ବ୍ଲକ ଥୁଆପାଲି ୧୭ତମ ଧନୁଯାତ୍ରା ମହୋତ୍ସବ ସମିତିର କଂସ ମହାରାଜାଙ୍କ ରାଜ ଦରବାର ଉଦଘାଟିତ ହୋଇଯାଇଛି। ଧନୁଯାତ୍ରା ମହୋତ୍ସବ ସମିତିର ସଭାପତି ଅନିରୁଦ୍ଧ ସାହୁଙ୍କ ସଂଯୋଜନାରେ ଅନୁଷ୍ଠିତ ଏହି ଉଦଘାଟନ ସଭାରେ ପ୍ରଥମେ ଅତିଥି ମାନକୁଂ ପୁଷ୍ପମାଲ୍ୟ ଦେଇ ସ୍ଵାଗତ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବେ ଭେଡେନ ଥାନା ଅଧିକାରୀ ପ୍ରେମଜିତ ଦାଶ, ସମ୍ମାନିତ ଅତିଥି ଭେଡେନ ଥାନା ସବ୍ ଇନ୍ସପେକ୍ଟର ଧନେଶ୍ୱର ସାହୁ, ଏଏସଆଇ ଜୀବନଲାଲ ସାହୁ ଯୋଗ ଦେଇଥିଲେ। ମୁଖ୍ୟ ଅତିଥି ଶ୍ରୀ ଦାଶ ନାରୀକେଳକୁ ଫଟାଇ, ପୂଜାର୍ଚ୍ଚନା କରିବା ସହିତ ଫିତାକାଟି ଉଦଘାଟନ କରିଥିଲେ।
ଏହି ଅବସରରେ ଅତିଥି ମାନଙ୍କୁ ଅଂଗବସ୍ତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ଶ୍ରୀଯୁକ୍ତ ଦାଶ ତାଙ୍କର ବକ୍ତବ୍ୟରେ ଥୁଆପାଲି ଧନୁଯାତ୍ରାର ଉତ୍ତୋରତର କାମନା କରିବା ସହିତ ଶାନ୍ତି ଶୃଙ୍ଖଳାର ସହିତ ଧନୁଯାତ୍ରାକୁ ଆନନ୍ଦ ଉଲ୍ଲାସର ସହିତ ଉପଭୋଗ କରିବା ପାଇଁ ଆଖପାଖ ଅଂଚଳର ଜନସାଧାରଣଙ୍କୁ ଅନୁରୋଧ କରିଥିଲେ। ଏତଦ ବ୍ୟତୀତ ଧନୁଯାତ୍ରା ମହୋତ୍ସବର ଉପସଭାପତି ଜୀତେନ୍ଦ୍ର ପୋଢ, ସଂପାଦକ ତ୍ରିଦିପ ସାହୁ ଓ ଧନୁଯାତ୍ରା କମିଟିର ସମସ୍ତ ସଦସ୍ୟ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ । ଏହାପରେ ମଥୁରାନଗରୀରେ କଂସ ମହାରାଜଙ୍କ ରାଜଦରବାର କାର୍ଯ୍ୟକ୍ରମ ଆରମ୍ଭ ହୋଇଥିଲା।
