ଗାଇସିଲେଟ(ରିଙ୍କୁ ଦେବତା)-ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଅନ୍ତର୍ଗତ ତାଲପାଲି ଗ୍ରାମ ଠାରେ ତୃତୀୟ ଦିବସରେ ଜଗନ୍ନାଥ ମନ୍ଦିର ପ୍ରତିଷ୍ଠା ମହୋତ୍ସବ ଅନୁଷ୍ଠିତ ହୋଇଯାଇଛି । ପଣ୍ଡିତ ମାନଙ୍କ ପୂଜାପାଠରେ ସୂର୍ଯ୍ୟ ପୂଜା, ବ୍ରହ୍ମଣ ପୂଜନ,ଅଙ୍କୁର ପୂଜନ,ଶାଲାଧିଷ୍ଠିତ ଦେବତା ପୂଜା, ମୁଖ୍ୟ ଦେବତା ପୂଜା,ବିଷ୍ଣୁ ସହସ୍ର ନାମ ପଠନ, ହୋମ,ଆରତୀ,ପୁଷ୍ପାଞ୍ଜଳି ହୋଇଥିଲା । ଭକ୍ତ ମାନଙ୍କ ପାଇଁ ମଧ୍ୟାହ୍ନ ସମୟରେ ପାରାୟଣ ଗାୟିକା ଜ୍ୟୋତ୍ସ୍ନାମୟୀ ଦୀକ୍ଷିତ ପାରାୟଣ ଗାନ କରିଥିବା ବେଳେ ଦେଗାଁ ବ୍ଲକ ଅନ୍ତର୍ଗତ ଚନ୍ଦରପୁର ର ପ୍ରସିଦ୍ଧ ରାମଲୀଳା ଏବଂ ଦଣ୍ଡ ନୃତ୍ୟ ଅନୁଷ୍ଠିତ ହୋଇଥିଲା ।
ଆସନ୍ତା କାଲି ନୀଳମାଧବ ଚରିତ୍ର ( ଶ୍ରୀ ଜଗନ୍ନାଥ) ଉପରେ ଏକ ଖୋଲା ମଞ୍ଚ ଦରବାର ବିଜେପୁର ବିଧାୟକ ସନତ କୁମାର ଗଡତିଆଙ୍କ କରକମଲରେ ଉଦଘାଟନ କରିବାର କମିଟି ପକ୍ଷରୁ ସୂଚନା ଦେଇଥିବା ବେଳେ । ଆଜି ଅତିଥି ଭାବରେ ସାଗର ସାହୁ ପୂର୍ବତନ ଗ୍ରାମପଞ୍ଚାୟତ ଉନ୍ନୟନ ଅଧିକାରୀ ବଲାଙ୍ଗୀର ଓ ସମାଜସେବୀ କବିବର ସାହୁ ଏବଂ ତାଙ୍କ ଧର୍ମପତ୍ନୀ ଯୋଗ ଦେଇଥିଲେ ।
ଅତିଥି ମାନଙ୍କୁ କୀର୍ତ୍ତନପାଟି ସ୍ବାଗତ କରି ପାଛୋଟି ନେଇଥିଲେ । ତେବେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ ମିନା ବଜାରରେ ଶତାଧିକ ଦର୍ଶକ ମାନଙ୍କର ସମାବେଶ ହୋଇଥିବା ବେଳେ ପ୍ରସାଦ ବଣ୍ଟନ କାର୍ଯ୍ୟକ୍ରମରେ ତାଲପାଲି ଓ କଟାବାହାଲ ଗ୍ରାମପଞ୍ଚାୟତ ର ବିଭିନ୍ନ ଗ୍ରାମରୁ ଆସି ଲୋକ ମାନେ ସାହାଯ୍ୟ କରୁଛନ୍ତି । ଦଧିବାମନ ସାଂସ୍କୃତିକ ପରିଷଦ ତଥା ଗ୍ରାମ୍ୟ କମିଟି, ଉପଦେଷ୍ଟା କମିଟି, ଶାନ୍ତି କମିଟି,ଯୁବ ଗୋଷ୍ଠୀ ଏବଂ ପୋଲିସ ବିଭାଗ ସହଯୋଗ କରିଥିଲେ ।
