ଗାଇସିଲେଟ-ବରଗଡ଼ ଜିଲ୍ଲା ଗାଇସିଲେଟ ବ୍ଲକ ତାଲପାଲି ଗ୍ରାମରେ ନବନିର୍ମିତ ଶ୍ରୀ ଶ୍ରୀ ଜଗନ୍ନାଥ ମନ୍ଦିରଟ ପ୍ରତିଷ୍ଠା ଓ ବିଗ୍ରହ ସ୍ଥାପନ ଉତ୍ସବ ଅନୁଷ୍ଠି ହୋଇଯାଇଛି । ଶୁଭସ୍ତମ୍ଭ ସ୍ଥାପନ, ଅଙ୍କୁରାରୋପଣ ଗଙ୍ଗା ନିମନ୍ତ୍ରଣ, କଳସ ଯାତ୍ରା, ରାମାୟଣ ପାରାୟଣ, ୨୪ ପ୍ରହର ନାମଯଜ୍ଞ, ପ୍ରବଚନ, ପଞ୍ଚକୁଣ୍ଡୀୟ ଯଜ୍ଞ, ମିନାବଜାର, ସାଂସ୍କୃତିକ କାର୍ଯ୍ୟକ୍ରମରେ ପ୍ରତିଦିନ ହଜାର ହଜାର ସଂଖ୍ୟକ ଶ୍ରଦ୍ଧାଳୁ ଯୋଗ ଦେଇଥିଲେ । ଏହା ୧୯ ତାରିଖରୁ ଆରମ୍ଭ ହୋଇ ୨୬ ତାରିଖ ଆଠ ଦିନ ଧରି ବହୁ ଧୁମଧାମରେ ହୋଇଥିଲା ।
ପ୍ରତ୍ୟେକ ଦିନ ଏଠାରେ ପାରାୟଣ ପଠନ ହେଉଥିଲା ଏଥିରେ ଯ୍ୟୋଷ୍ନାମୟୀ ଦୀକ୍ଷିତ,ଯଶୋଦା ସାହୁ ଓ ଗଙ୍ଗାଧର ଉଦଗାଥା ଯୋଗ ଦେଇଥିବା ବେଳେ ସୌରେନ୍ଦ୍ରୀ ଜାଲ,ଜ୍ୟୋତି ସାହୁ,ସଞ୍ଜୟ ସାହୁ,ପ୍ରଭାସ ସାହୁ,ସୁନୀତା ସାହୁ,ନିକିତା ବେହେରା,ଦେବକୀ ସାହୁ ଓ ଭାନୁମତୀ ସେଠ ଭଳି ପଶ୍ଚିମ ଓଡ଼ିଶାର ପ୍ରସିଦ୍ଧ କୀର୍ତ୍ତନ ଗାୟକ,ଗାୟିକା ଯୋଗ ଦେଇ ବୈଠକି କୀର୍ତ୍ତନ ଅନୁଷ୍ଠିତ ହୋଇଥିଲା ।
ଏହା ସହ ଚବିଶ ପ୍ରହରୀ ନାମଯଜ୍ଞ ର ମହାମନ୍ତ୍ର ଧ୍ବନିରେ ଗୁଞ୍ଜରିତ ହୋଇ ଉଠୁଥିଲା ନାମ ମଣ୍ଡପ ।ଜଗତର ନାଥ ଜଗନ୍ନାଥଙ୍କ ମନ୍ଦିର ପ୍ରତିଷ୍ଠା ଚାଲିଥିବା ସମୟରେ ପଣ୍ଡିତ ମାନଙ୍କ ମନ୍ତ୍ର ଧ୍ବନିରେ ପ୍ରକମ୍ପିତ ହେଉଥିଲା ସମଗ୍ର ପରିବେଶ ।ଦୀର୍ଘ ଆଠ ଦିନଧରି କେବଳ ଗାଁ ଲୋକ ନୁହଁ ଆଖ ପାଖ ଅଞ୍ଚଳର ହଜାର ହଜାର ଶ୍ରଦ୍ଧାଳୁ ଗୋଟିଏ ସୂତା ଖିଅରେ ବାନ୍ଧି ହୋଇ ଆଧ୍ୟାତ୍ମିକ ପରିବେଶରେ ବାନ୍ଧି ହୋଇଥିଲେ ସମଗ୍ର ଅଞ୍ଚଳ ବାସୀ । ତେବେ ସବୁଠୁ ଆକର୍ଷଣୀୟ ହୋଇଥିଲା ଆଚାର୍ଯ୍ୟ ଭରତ ଶାସ୍ତ୍ରୀଙ୍କ ତତ୍ତ୍ଵାବଧାନରେ ଗଙ୍ଗା ଆରତୀ ବାରାଣାସୀରୁ ଆସିଥିବା ପଣ୍ଡିତ ନିଖିଲ ତ୍ରୀଙ୍ଗୀ, ରିଷବ ଟିବାରୀ, ହର୍ସ ଟିବାରୀ ଙ୍କ ଦ୍ଵାରା ପ୍ରତ୍ୟେକ ଦିନ ସନ୍ଧ୍ୟାରେ ହେଉଥିବା ଗଙ୍ଗା ଆରତୀ ଦେଖିବା ପାଇଁ ହଜାର ହଜାର ଲୋକଙ୍କ ଭିଡ଼ ଦେଖିବାକୁ ମିଳିଥିଲା ।
ପ୍ରତିଷ୍ଠା ଉତ୍ସବରେ ମୁଖ୍ୟ ପୂଜକ ଭାବରେ ପଣ୍ଡିତ ଭୁବନେଶ୍ୱର ଦାଶ ଯୋଗଦେଇଥିବା ବେଳେ ସହଯୋଗୀ ଭାବରେ ଭୁବନେଶ୍ୱର ଦାଶ,ମହାଦେବ ଦାଶ,ଲିଙ୍ଗରାଜ ରଥ,ହିମାଂଶୁ ପଣ୍ଡା,ରଜନ ହୋତା,ତପନ ତ୍ରିପାଠୀ,ରଜତ ପଣ୍ଡା ଗଣେଶ ଦାଶ,ଗୋକୁଲାନନ୍ଦ ହୋତା,ସୁଦାମ ପଣ୍ଡା ପ୍ରମୁଖ ଯୋଗ ଦେଇ ବିଧି ବିଧାନର ସହିତ ପୂଜା କାର୍ଯ୍ୟ ସମ୍ପନ୍ନ କରିଥିଲେ । କର୍ତ୍ତା ଭାବରେ ଗ୍ରାମର ଗୌନ୍ତିଆ ମନୋରଞ୍ଜନ ସାହୁ ଓ ତାଙ୍କ ଧର୍ମ ପତ୍ନୀ ବବିତା ସାହୁ କାର୍ଯ୍ୟ ତୁଲାଇଥିଲେ ।
ବିନାୟକ ପ୍ରସାଦ ଗୁରୁ ଓ ବୈକୁଣ୍ଠ ସାହୁ ମଞ୍ଚ ପରିଚାଳନା କରିଥିବା ବେଳେ ଝସକେତନ ସାହୁ ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ । ପ୍ରତ୍ୟେକ ଦିନ ଏଠାରେ ହଜାର ହଜାର ଶ୍ରଦ୍ଧାଳୁ ମାନଙ୍କ ପାଇଁ ଅନ୍ନ ଭୋଗର ବ୍ୟବସ୍ଥା କରାଯାଇଥିବା ବେଳେ ଗ୍ରାମ୍ୟ କମିଟି,ଉପଦେଷ୍ଟା କମିଟି,ଶାନ୍ତି କମିଟି,ଯୁବଗୋଷ୍ଠୀ ଏବଂ ଡ଼୍ରାଇଭର ସଂଘ ଗାଇସିଲେଟ ଓ ପଦ୍ମପୁର ଏବଂ ପୋଲିସ ବାହିନୀ ଙ୍କ ସହଯୋଗ କ୍ରମେ ଶାନ୍ତି ଶୃଙ୍ଖଳାର ସହିତ ସମାପନ ହୋଇଥିବାରୁ କମିଟି ସଭାପତି ମନୋରଞ୍ଜନ ସାହୁ,ସମ୍ପାଦକ ଶେଷଦେବ ଦାଶ,କୋଷାଧ୍ୟକ୍ଷ ମୋହନ ସାହୁ ସମସ୍ତ ଗ୍ରାମବାସୀ ଓ ଅଞ୍ଚଳ ବାସୀଙ୍କୁ ଧନ୍ୟବାଦ ଅର୍ପଣ କରିଥିଲେ ।
