ଡୁଙ୍ଗୁରିପାଲି-ଡୁଙ୍ଗୁରିପାଲି ମହାବିଦ୍ୟାଳୟର ୪୦ ତମ ବାର୍ଷିକ କ୍ରିଡ଼ା ଉତ୍ସବ ଅନୁଷ୍ଠିତ ହୋଇଯାଇଛି । ଦୁଇ ଦିନ ଧରି ଆୟୋଜିତ ହେଇଥିବା ଏହି କାର୍ଯ୍ୟକ୍ରମ ଶୁକ୍ରବାର ସନ୍ଧ୍ୟାରେ ଉଦଯାପିତ ହେଇଯାଇଅଛି । ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ସରୋଜ କୁମାର ବିଶ୍ୱାଳଙ୍କ ଅଧ୍ୟକ୍ଷତାରେ ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ବିଶିଷ୍ଠ କ୍ରିଡାବିଦ୍ ଶ୍ରୀଯୁକ୍ତ ସତ୍ୟନାରାୟଣ ପ୍ରଧାନ ଯୋଗଦେଇ କ୍ରିଡ଼ା ସଂପର୍କିତ ନିଜସ୍ଵ ଅନୁଭୂତି ପରିପ୍ରକାଶ କରିବା ସହ କୃତି ପ୍ରତିଯୋଗୀଙ୍କୁ ପୁରସ୍କାର ବିତରଣ କରିଥିଲେ ।
ଏହି ବାର୍ଷିକ କ୍ରିଡା ଉତ୍ସବର ଉପ-ସଭାପତି ପ୍ରଧ୍ୟାପକ ବିଜୟାନନ୍ଦ ଦାଶ ଉଦ୍ଯାପନୀ ଉତ୍ସବକୁ ପରିଚାଳନା କରିଥିବା ବେଳେ ଅଧ୍ୟାପିକା ସୁଶ୍ରୀ ଲିପ୍ସା ବେହେରା ଅତିଥି ପରିଚୟ ପ୍ରଦାନ କରିଥିଲେ । ଏହି ବାର୍ଷିକ କ୍ରିଡ଼ା ଉତ୍ସବକୁ ପିଇଟି ଶ୍ରୀଯୁକ୍ତ ଜିତେନ୍ଦ୍ରିୟ ବୁଡ଼େକ, ଯାଦବ ବେହେରା, ସାନନ୍ଦ ବାରିକ,ଆଶିର୍ବାଦ ବେହେରା ପ୍ରମୁଖ ପରିଚାଳନା କରିଥିଲେ । ଉଭୟ ଯୁକ୍ତ-୨ ଓ ଯୁକ୍ତ-୩ ବାଳକ ଓ ବାଳିକା ବିଭାଗରୁ ୫୦ ଗୋଟି ଇଭେଣ୍ଟ୍ ଅନୁଷ୍ଠିତ ହୋଇଥିଲା ।
ଏଥିରେ ସର୍ବମୋଟ ୫୪୭ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଛାତ୍ର ଶ୍ରୀ ବିକାଶ କୁମ୍ଭାର ଚମ୍ପିୟନ ଖେଳାଳୀ ଭାବେ ଘୋଷିତ ହୋଇଥିଲେ। ପ୍ରାରମ୍ଭିକ ଓ ଉଦ୍ଯା ପରିଶେଷରେ ଅଧ୍ୟାପିକା ସୁଶ୍ରୀ ସୁପ୍ରିୟା ଡୁଙ୍ଗଡୁଙ୍ଗ ଧନ୍ୟବାଦ ଅର୍ପଣ କରିଥିଲେ । ସୁଶ୍ରୀ ଲକ୍ଷ୍ମୀ ପାଣ୍ଡେ ପ୍ରାରମ୍ଭିକ ଓ ଉଦ୍ଯାପନୀ ସଙ୍ଗୀତ ଗାନ କରିଥିଲେ । ଏହି ଉତ୍ସବ ରେ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଓ ଛାତ୍ରଛାତ୍ରୀ ମାନେ ସହଯୋଗ କରିଥିଲେ ।
