ବରପାଲି-ବରପାଲି ବ୍ଲକ ଶିକ୍ଷା ବିଭାଗ କାର୍ଯ୍ଯାଳୟ ସମ୍ମୁଖରେ ଏକ ମର୍ମନ୍ତୁଦ ଟ୍ରକ ଓ ସ୍କୁଟି ଦୁର୍ଘଟଣା ଘଟି ଜଣେ ଯୁବତିଙ୍କ ମୄତ୍ଯୁ ହୋଇଥିବା ବେଳେ ଅନ୍ଯଜଣେ ଯୁବକ ଗୁରୁତର ଆହାତ ହୋଇଛନ୍ତି। ଗୁରୁବାର ଅପରାହ୍ନରେ ବୌଦ୍ଧ ଜିଲ୍ଲା ପଲସାଗୁଡା ପଟରୁ ଓଡି୧୫ କେ୭୧୮୭ ନମ୍ବର ବରଗଡ ଅଭିମୁଖେ ଯାଉଥିବା ବେଳେ ସ୍ଥାନିୟ ବିଇଓ କାର୍ଯ୍ଯାଳୟ ସମ୍ମୁଖରେ ଏକ ଓଡି୦୩ ଏକ୍ସ ୦୭୯୫ ନମ୍ବର ସ୍କୁଟି ସହ ମୁହାଁମୁହିଁ ଧକ୍କା ହୋଇଥିଲା।
ଦୁର୍ଘଟଣା ସମ୍ପର୍କରେ ସ୍ବଷ୍ଟ ଜଣା ପଡିନଥିଲେ ମଧ୍ଯ ଘଟଣାସ୍ଥଳରେ ସ୍କୁଟିରେ ବସିଥିବା ଲଚ୍ଛିପୁର ବ୍ଲକ ଲକ୍ଟାମୁଣ୍ଡା ଗ୍ରାମର ୧୯ବର୍ଷିଆ ରିମଝିମ ମେହେର ଓ ଲୋଇସିଂଘା ଥାନା ଟାଲଜୋରି ଗ୍ରାମର ରାଜେଶ ମେହେର ଗୁରୁତର ଆହାତ ହୋଇଥିଲେ। ପରେ ପୋଲିସ ଘଟଣାରେ ପହଞ୍ଚିବା ସହ ଗୁରୁତର ମାନଙ୍କୁ ଉଦ୍ଧାର କରିବା ସହ ସ୍ଥାନିୟ ଡାକ୍ତରଖାନାକୁ ପଠାଇଥିଲେ। ପରେ ଦୁର୍ଘଟଣା ଘଟାଇଥିବା ଟ୍ରକ ଓ ଚାଳକ ସହ ସ୍କୁଟିକୁ ଜବତ କରି ଥାନାକୁ ଆଣିଥିଲେ।
ଡାକ୍ତର ଯୁବତୀକୁ ମୃତ ଘୋଷଣା କରିଥିବା ବେଳେ ଅନ୍ଯ ଗୁରୁତର ଯୁବକକୁ ବରଗଡକୁ ସ୍ଥାନାନ୍ତରିତ କରିଥିଲା। ସୁଚନାନୁଯାୟୀ ଆସନ୍ତା ନଭେମ୍ବର ୨୬ ତାରିଖ ରାଜେଶ ଓ ରିମଝିମଙ୍କ ବାହାଘର ଧାର୍ଯ୍ଯ ହୋଇଥିଲା। ଏହି ଅବସରରେ ଦୁହିଜଣ ଯାକ ବରପାଲି ବଜାରରୁ ବାହାଘରିଆ ବ୍ଯବହୃତ ସାମଗ୍ରୀ କିଣାକିଣି କଲାପରେ ଲକ୍ଟାମୁଣ୍ତା ପ୍ରତ୍ଯାବର୍ତ୍ତନ କରୁଥିବା ସମୟରେ ଦୁର୍ଘଟଣାର ଶିକାର ହୋଇଥିବା ପ୍ରତ୍ଯକ୍ଷଦର୍ଶି ମାନେ ଜଣାଇଥିଲେ।
