ପଦ୍ମପୁର-ଟାଉନ ଉଚ୍ଚ ବିଦ୍ୟାଳୟରେ ୭୬ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ଜୁନିଅର ରେଡ଼କ୍ରସ ବିଭାଗ, ସିଭିଲିଆନ ଟାଉନ ଉଚ୍ଚ ବିଦ୍ୟାଳୟ ଓ ଛାତ୍ରଛାତ୍ରୀ, ଅଭିଭାବକ, ବିଦ୍ୟାଳୟ କମିଟି ସଦସ୍ୟଙ୍କ ଗହଣରେ ପ୍ରଧାନ ଶିକ୍ଷକ ତରଣୀସେନ ସାହୁ ଜାତୀୟ ପତାକା ଉତ୍ତୋଳନ କରିଥିଲେ। ବୀର ଯବାନଙ୍କ ସ୍ମୃତି ଚାରଣ କରି ଭବିଷ୍ୟତରେ ସମସ୍ତେ ଆଦର୍ଶ ନାଗରିକ ହେବା ପାଇଁ ସେ ମତ ରଖିଥିଲେ। ସମସ୍ତ ଶିକ୍ଷକ ଓ କର୍ମଚାରୀ ଦେଶ ଗଠନରେ ସହାୟକ ହେବା ପାଇଁ ଦୃଢ଼ ସଂକଳ୍ପ ନେଲେ। କାର୍ଯ୍ୟକ୍ରମଟି ଖେଳ ଶିକ୍ଷକ ଚନ୍ଦ୍ରମଣି ସାହୁ, ଉଜଳ ସାହୁ ଓ ଲକ୍ଷ୍ମଣ ପଟେଲଙ୍କ ସହାୟତାରେ ସୁନ୍ଦର ଭାବରେ ପରିଚାଳିତ ହୋଇଥିଲା।
