ଝାରବନ୍ଧ(ବଂଶୀଧର ନାୟକ)-ବରଗଡ଼ ଜିଲ୍ଲା ଝାରବନ୍ଧ ବ୍ଲକରେ ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ କରାଯାଇଛି । ଏହି କାର୍ଯ୍ୟକ୍ରମରେ ସ୍ଥାନୀୟ ବିଡିଓ ଶ୍ରୀ ପୁରୁଷୋତ୍ତମ ମିର୍ଦ୍ଧା ମୁଖ୍ୟ ଅତିଥି ଭାବରେ ଯୋଗ ଦେଇଥିବାବେଳେ ସ୍ନାତକ ମହାବିଦ୍ୟାଳୟ ଅଧ୍ୟକ୍ଷ ଶ୍ରୀ ଶ୍ୟାମ ସୁନ୍ଦର ବେହେରା, ଜିଲ୍ଲା ପରିଷଦ ସଭ୍ୟ ସନ୍ତୋଷ ବେହେରା, ଗ୍ରାମ କମିଟି ର ମୋହନ ପ୍ରଧାନ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ ।
ସ୍ଥାନୀୟ ସ୍ନାତକ ମହାବିଦ୍ୟାଳୟ ପ୍ରାଙ୍ଗଣରୁ ଛାତ୍ରଛାତ୍ରୀ ମାନେ ଏକ ରାଲି କରି ସ୍ବଚ୍ଛତା ଓ ପରିମଳ ସଚେତନତା ବାର୍ତ୍ତା ଦେଇ ସହର ଚାନ୍ଦିନୀ ଛକ ଠାରେ ପହଞ୍ଚିଥିଲେ । ଉପସ୍ଥିତ ସମସ୍ତେ ସ୍ୱଚ୍ଛତା ଶପଥ ଗ୍ରହଣ ପୂର୍ବକ ମହାବିଦ୍ୟାଳୟ ଏନଏସଏସ ଓ ଯୁବ ରେଡକ୍ରସ୍ ୟୁନିଟ୍ ର ସ୍ବେଛାସେବୀ ଓ ଅନ୍ୟ ଛାତ୍ରଛାତ୍ରୀଙ୍କ ସହ ହସ୍ପିଟାଲ୍ ପରିସର, ଛକ ଚାରିପାଖ, ଦୁର୍ଗାପୂଜା ପଡିଆ, ବନ ଦୁର୍ଗା ମନ୍ଦିର ପ୍ରାଙ୍ଗଣ, ନୋଡାଲ ସ୍କୁଲ୍ ଚାରିପାଖ ଭଳି ଅନେକ ମୁଖ୍ୟ ସ୍ଥାନ ପରିସ୍କାର କରିଥିବା ଦେଖାଯାଇଥିଲା ।
ଦୁର୍ଗାପୂଜା କମିଟି ସଭ୍ୟ ମାନଭଞ୍ଜନ ବେହେରା, ଉଦ୍ଧବ ପ୍ରଧାନ, ମୀନ ବାଗ, ବଲି ପ୍ରଧାନ, ସ୍ୱାସ୍ଥ୍ୟ ଓ ପରିମଳ ବିଆରସି ସୁଶୀଲ ସାହୁ, ଉପ ସ୍ୱାସ୍ଥ୍ୟ କେନ୍ଦ୍ର କର୍ମଚାରୀମାନେ ତଥା ସ୍ନାତକ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ଓ ଅଞ୍ଚଳର ଅନେକ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ ।
ସଫେଇ କାର୍ଯ୍ୟ ଦେଖି ଅଞ୍ଚଳବାସି ଏହି ସାଧୁ ଉଦ୍ୟମକୁ ଭୁରି ଭୁରି ପ୍ରଶଂସା କରିବା ସହିତ ଆଗାମୀ ଦିନରେ ଏହି ସ୍ବଚ୍ଛତା ବଜାୟ ରଖିବାର ପ୍ରତିଶ୍ରୁତି ଦେଇଥିଲେ । କାର୍ଯ୍ୟକ୍ରମ କୁ ଜାଜ୍ଞସେନି ନାୟକ, ନବୀନ ମେହେର, ଗଗନ ବିହାରୀ ଦଂଶନା, ଡଃ ଖ୍ୟାତିମୟ ତ୍ରିପାଠୀ, ରଶ୍ମି ମହାଲିଂ, ଡଲଫିନ ସୁନା, ଅଶୋକ ହାତୀ, ଅଞ୍ଜନ ବରିହା, ଦୁର୍ଯୋଧନ ପାଣ୍ଡେ, ରୁକ୍ମଣୀ ସାହୁ ପ୍ରମୁଖ ପରିଚାଳନା କରିଥିଲେ ।
