ବରପାଲି-ବରପାଲି ବ୍ଲକ ସମନ୍ବିତ ଶିଶୁ ବିକାଶ ପ୍ରକଳ୍ପ ପରିସରରେ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି। କାର୍ଯ୍ୟକ୍ରମକୁ ମୁଖ୍ୟ ଅତିଥି ଭାବେ କମାଣ୍ତର ବିଜୟ ପ୍ରକାଶ ବାବୁ ଉଦଘାଟନ କରିଥିଲେ। ସମିତି ସଭାପତି ତେଜରାଜ ଭୋଇଙ୍କ ସଭାପତିତ୍ବରେ ପରିଚାଳିତ କାର୍ଯ୍ଯକ୍ରମକୁ ସମ୍ପାଦକ ମୋହନଚାନ୍ଦ ପଧାନ ସଂଯୋଜନା କରିଥିଲେ।
ସମ୍ମାନିତ ଅତିଥି ଭାବେ ପ୍ରାକ୍ତନଃ ମହାବିଦ୍ଯାଳୟ ଅଧ୍ଯକ୍ଷ ପୁରନ୍ଦର ନନ୍ଦ,ବ୍ଲକ ସମନ୍ବିତ ଶିଶୁ ବିକାଶ ପ୍ରକଳ୍ପ ଅଧିକାରୀ ସଂଯୁକ୍ତା ଲେଙ୍କା,ପରିବେଶବିତ୍ତ ଜେଠୁ ଭୋଇ ପ୍ରମୁଖ ଯୋଗ ଦେଇଥିଲେ। ଜିଲ୍ଲା ସଚେତନତା ସମିତି ବରଗଡ଼, ଜିଲ୍ଲା ପରିବେଶ ସମିତି, ବରଗଡ଼ ଓ ସମନ୍ବିତ ଶିଶୁ ବିକାଶ ପ୍ରକଳ୍ପ ମିଳିତ ଉଦ୍ଯମରେ ଦିବସଟି ପାଳିତ ହୋଇଥିଲା।
ଏହି ଅବସରରେ ବଡକର୍ଲେ ହାଇସ୍କୁଲ ହିନ୍ଦିଶିକ୍ଷକ ରବୀନ୍ଦ୍ର ଦିପଙ୍କୁ ସମ୍ମାନିତ କରାଯାଇଥିବା ବେଳେ ଆଲୋଚ୍ଯ ବିଷୟବସ୍ତୁ ପ୍ରକୃତି ଓ ମଣିଷ ସଭ୍ୟତା ସନ୍ଦର୍ଭ ଉପରେ ଆଲୋଚନା ହୋଇଥିଲା। ବୃନ୍ଦାବନ ପଧାନ ଧନ୍ଯବାଦ ଅର୍ପଣ କରିଥିଲେ।
