ବରପାଲି-ବରପାଲି ମହାବିଦ୍ୟାଳୟ ପରିସରରେ ଯୁବ ରେଡକ୍ରସ ତ୍ରିଦିବସୀୟ ଜିଲ୍ଲାସ୍ତରୀୟ ଶିକ୍ଷା ଓ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି । ଉଦଯାପନୀ ସଭାରେ ମହାବିଦ୍ୟାଳୟ ଅଧ୍ୟକ୍ଷା ସୁଶ୍ରୀ ଜୟନ୍ତୀ ଦାଶ ସଭାପତିତ୍ବ କରିଥିବା ବେଳେ ପୂର୍ବତନ ମନ୍ତ୍ରୀ ରୀତା ସାହୁ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ସମ୍ମାନିତ ଅତିଥି ଭାବରେ ଏନ୍.ଏ.ସି ଚେୟାରମେନ ଦିନେଶ ଗହୀର, ବ୍ଲକ ଚେୟାରମେନ ରୀନା ଥାଇତ୍ ଏବଂ ଟିକାୟତ ମହତ୍ତମ୍ ଅନ୍ୟତମ ଅତିଥି ଭାବରେ ଯୋଗ ଦେଇଥିଲେ ।
ଧନ୍ୟବାଦ ଅର୍ପଣ କରିଥିଲେ ମହାବିଦ୍ୟାଳୟ କାଉନସିଲର ଅଲେଖ ମହାନନ୍ଦ । ଏହି ଅବସରରେ ବିଶିଷ୍ଟ ସମାଜସେବୀ ଦେବାନନ୍ଦ ଖଟୁଆଙ୍କ ସେବାକାର୍ଯ୍ଯ ଓ ମନୋବୃତ୍ତିକୁ ନେଇ ଉତ୍ତରିୟ ଓ ମାନପତ୍ର ପ୍ରଦାନ ମାଧ୍ୟମରେ ସମ୍ମାନିତ କରାଯାଇଥିଲା । ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ ବିଜୟୀ ଛାତ୍ରଛାତ୍ରୀ ମାନଙ୍କୁ ପୁରସ୍କାର ମାନ ପ୍ରଦାନ କରାଯାଇଥିଲା । ସଭା ପୂର୍ବରୁ ଅଗ୍ନିଶମ ବିଭାଗ, ବରପାଲି ଦ୍ଵାରା ଛାତ୍ରଛାତ୍ରୀ ମାନଙ୍କୁ ତାଲିମ ଦିଆଯାଇଥିଲା ଏବଂ ଶେଷରେ ରେଡକ୍ରସ ପତାକା ଅବତରଣ କରି ଶିବିରର ପରିସମାପ୍ତି ଘୋଷଣା କରାଯାଇଥିଲା ।
