ପଦ୍ମପୁର-୨୯ ତମ ସର୍ବଭାରତୀୟ ବୋରାସମ୍ବର କ୍ରିକେଟ କପ ଆସନ୍ତା ୨୦୨୫ ଜାନୁଆରୀ ମାସ ୧୧ ତାରିଖରୁ ଆରମ୍ଭ ହେବାକୁ ଯାଉଛି । ୧୧ ତାରିଖରୁ ଆରମ୍ଭ ହୋଇ ୧୯ ତାରିଖରେ ଫାଇନାଲ ମ୍ୟାଚ ଅନୁଷ୍ଠିତ ହେବ । ସବୁ ବର୍ଷ ପରି ଚଳିତ ବର୍ଷ ମଧ୍ୟ ରାଜ୍ୟ ତଥା ରାଜ୍ୟ ବାହାରରୁ ଦଶ ଗୋଟି ଟିମକୁ ନେଇ ଏହି ମ୍ୟାଚ ଅନୁଷ୍ଠିତ ହେବ । ମ୍ୟାଚ ଗୁଡିକ ୱାନଡେ ଫର୍ମାଟରେ ଖେଳା ଯିବା ପାଇଁ ସ୍ଥିରିକୃତ ହୋଇଛି। ଏହା ସହ ସେମିଫାଇନାଲ ଓ ଫାଇନାଲ ମ୍ୟାଚ ୪୦ ଓଭର ଲେଖାଏ ଖେଲାଯିବ। ବିଜେତା ଦଳକୁ ୭୦,୦୦୦ ଟଙ୍କା ସହ ଟ୍ରଫି ଓ ଉପନିଜେତା ଦଳକୁ ୪୦,୦୦୦ ଟଙ୍କା ସହ ଟ୍ରପି ପ୍ରଦାନ କରାଯିବ ।
ଏହି କ୍ରିକେଟ କପ ପଦ୍ମପୁର ତଥା ଆଖପାଖ ଅଂଚଳର କ୍ରିଡା ପ୍ରେମୀ ମାନଙ୍କୁ ଉତ୍ସାହିତ କରିବା ପାଇଁ ବୋଲି ଏକ ସାମ୍ବାଦିକ ସମ୍ମିଳନିରେ ବୋରାସମ୍ବର ସୋର୍ଟିଙ୍ଗ ସମ୍ପାଦକ ଭରତ ପଣ୍ଡା ସୂଚନା ଦେଇଛନ୍ତି । ଏହି ସମ୍ବାଦିକ ସମ୍ମିଳନିର ଅନ୍ୟ ମାନଙ୍କ ମଧ୍ୟରେ ବୋରାସମ୍ବର ସୋର୍ଟିଙ୍ଗର ସଭାପତି ସୁନିଲ କୁମାର ସାହୁ,ଉପ-ସଭାପତି ଅବଦୁଲ ରେହେମାନ ଅଲ୍ଲି, ସହ ସମ୍ପାଦକ ସରଜୁ ପଟ୍ଟନାୟକ,ମନିଷ ପ୍ରଧାନ, କୋଷାଧ୍ୟକ୍ଷ ବିଜୟ କୁମାର ଦାଶ, ସହକୋଷାଧ୍ୟକ୍ଷ ଉଜ୍ୱଳ ଅଗ୍ରୱାଲ, ବରିଷ୍ଠ ସଦସ୍ୟ ପ୍ରଶାନ୍ତ ମହାନ୍ତି,କପିଲ ଅଗ୍ରୱାଲ,ବିକାଶ କୁମାର,ଶଙ୍କର ସିହ୍ନା ପ୍ରମୁଖ ଉପସ୍ଥିତ ଥିଲେ ।
