ଭେଡେନ-ଭେଡେନ ଥାନା ଅନ୍ତର୍ଗତ ଅରେଇଗୁଡି ଗ୍ରାମପଞ୍ଚାୟତ ସ୍ଥିତ ଗୁଦୁରାମୁଣ୍ଡା ଗ୍ରାମରେ ମଦ ଠିକା କୁ କେନ୍ଦ୍ର କରି ଜଣେ ଘଟଣା ସ୍ଥଳରେ ମୃତ୍ୟୁବରଣ କରିଥିବା ବେଳେ ଦୁଇଜଣ ଗୁରୁତର ଆହତ ହୋଇ ବରଗଡ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି।ଘଟଣାରୁ ଜଣାପଡେଯେ ଗୁଦୁରାମୁଣ୍ଡା ଗ୍ରାମର ମଦ ଭାଟି ଠିକା ଆଜକୁ ବର୍ଷେ ହେବ ବରପାଲି ବ୍ଲକ ଅନ୍ତର୍ଗତ କନବାର ଗ୍ରାମର ମହେଶ୍ୱର ବେହେରା କୁ ଦିଆ ଯାଇଥିଲା। ଶୁକ୍ରବାର ଦିନ ଗୁଦୁରାମୁଣ୍ଡା ଗ୍ରାମରେ ମଦ ଠିକା କୁ ନେଇ ଏକ ସଭା ହୋଇଥିଲା ଯାହା ଫଳରେ ଠିକା ନେଇଥିବା ମହେଶ୍ୱର ବେହେରା ଓ ତାଙ୍କ ଦୁଇଭାଇ ଟିକେଶ୍ଵର ବେହେରା,ଲୋକେଶ୍ୱର ବେହେରା ଗ୍ରାମରେ ପହଂଚି ଥିଲେ ସେହି ସମୟରେ ଗ୍ରାମର ବାହାଦୁର ଛତ୍ରୀଆ ଓ ତା ପୁଅମାନେ ସଭା ବସିଥିବା ସ୍ଥାନକୁ ଆସି ଗଣ୍ଡଗୋଳ କରିବା ସହିତ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲା।
ଆଗରୁ ମଦ ଠିକା କୁ କେନ୍ଦ୍ରକରି ବାହାଦୁର ଛତ୍ରୀଆ ସବୁବେଳେ ମହେଶ୍ୱର ବେହେରା ଉପରେ ରାଗ ରଖିଥିଲା । ଯେତେବେଳେ ଗ୍ରାମରେ ହେଉଥିବା ମିଟିଙ୍ଗ ସାରି ମହେଶ୍ୱର ଓ ତାର ଦୁଇ ଭାଇ ନିଜ ଗ୍ରାମ କନବାର କୁ ରାତିରେ ଫେରୁଥିଲେ ସେହି ସମୟରେ ବାହାଦୁର ଓ ତାଙ୍କ ପୁଅମାନେ ନିଜ ଘର ସମ୍ମଖରେ ସେମାନଙ୍କୁ ମାରଣାନ୍ତକ ଆକ୍ରମଣ କରିଥିଲା ଫଳରେ ଘଟଣା ସ୍ତଲରେ ମହେଶ୍ୱର ବେହେରା(୩୦)ଙ୍କ ମୃତ୍ୟୁବରଣ କରିଥିବା ବେଳେ ତାଙ୍କ ଭାଇ ଟିକେଶ୍ଵର ବେହେରା ଗୁରୁତର ଆହତ ହେବା ସହ ଆକ୍ରମଣ କରି ବାହାଦୁର ଛତ୍ରୀଆ ମଧ୍ୟ ଗୁରୁତର ଆହତ ହୋଇଥିଲା। ଖବର ପାଇ ଗ୍ରାମବାସୀ ମାନେ ସମସ୍ତଙ୍କୁ ଭେଡେନ ମୁଖ୍ୟ ଡାକ୍ତରଖାନା କୁ ଆଣିଥିଲେ।ଖବର ପାଇ ଭେଡେନ ଥାନା ଅଧିକାରୀ ପ୍ରେମଜିତ ଦାଶ, ଏସଡିପିଓ ପଦାରବିନ୍ଦ ତ୍ରିପାଠୀ ଅତିରିକ୍ତ ଜିଲ୍ଲା ଆରକ୍ଷୀ ଶିବ ପ୍ରସାଦ ବିଶ୍ୱାଳ, ସୌରଵ ହୋତା ଙ୍କ ସମେତ ପୋଲିସ ଟିମ ଘରଣା ସ୍ତଲରେ ପହଁଚି ତଦନ୍ତ କରୁଛନ୍ତି।
