ଗାଇସିଲେଟ-ଗାଇସିଲେଟ ବ୍ଳକ ସ୍ତରୀୟ ପ୍ରେରଣା ଉତ୍ସବ ସ୍ଥାନୀୟ ସରକାରୀ ନୋଡାଲ ହାଇସ୍କୁଲ ଗାଇସିଲେଟ ଠାରେ ଅନୁଷ୍ଠିତ ହୋଇଯାଇଅଛି। ଆୟୋଜକ ବିଦ୍ୟାଳୟର ପ୍ରଧାନଶିକ୍ଷକ ଅନୀଲ କୁମାର ବେହେରାଙ୍କ ସଭାପତିତ୍ଵରେ ଅନୁଷ୍ଠିତ ଉଦଘାଟନ ସମାରୋହକୁ ଗାଇସିଲେଟ ଏବିଇଓ ଧବଳେଶ୍ଵର ବରିହା ମୁଖ୍ୟ ଅତିଥି ଓ ଏବିଇଓ ଜୟ କୁମାର ସାହୁ ସମ୍ମାନିତ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ ଉଦଘାଟନ କରି ପ୍ରତିଯୋଗିମାନଙ୍କୁ ଉତ୍ସାହିତ କରିଥିଲେ ।
ବ୍ଳକର ବିଭିନ୍ନ ଉଚ୍ଚ ବିଦ୍ୟାଳୟରୁ ୪୮ ଜଣ ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗୀତା ଅଂଶଗ୍ରହଣ କରିଥିଲେ। ଏଥିରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ରବୀନ୍ଦ୍ର କୁମାର ପଣ୍ଡା, ସୁନୀଲ କୁମାର ପଣ୍ଡା, ଦିବାକର ଯୋଷୀ ତଥା ଶିକ୍ଷକ ରମେଶ କୁମାର ସାହୁ ଓ ଶିକ୍ଷୟିତ୍ରୀ ସ୍ନିଗ୍ଧାରାଣୀ ଦାଶ ବିଚାରକ ଦାଇତ୍ୱ ଗ୍ରହଣ କରିଥିଲେ। ଛାତ୍ରମାନଙ୍କ ମଧ୍ୟରେ ଗୁଣ ସାଗର ରଣା, ଶ୍ରୀକାନ୍ତ ନାଗ, ଆଲୋକ ସେଟ୍, ଅଂଶୁମାନ ସାହୁ,ସତ୍ୟମ୍ ଭୋଇ ଏବଂ ଛାତ୍ରୀମାନଙ୍କ ମଧ୍ୟରେ ମନୀଷା ପ୍ରଧାନ,ନୀଲମ ସାହୁ, ମାହେଶ୍ୱରୀ ସୁନା, ଶ୍ରୀୟା କୁମ୍ଭାର ଓ ଶିଖା ଧୁବଳ ପ୍ରମୁଖ ଜିଲ୍ଲା ସ୍ତରକୁ ଉନ୍ନୀତ ହୋଇଥିଲେ।
ଏହି ଛାତ୍ରଛାତ୍ରୀମାନେ ଆସନ୍ତା ଜୁଲାଇ ୨୦ ତାରିଖରେ ଜବାହର ନବୋଦୟ ବିଦ୍ୟାଳୟ ପାଇକମାଳ ରେ ଅନୁଷ୍ଠିତ ହେବାକୁ ଥିବା ଜିଲ୍ଲା ସ୍ତରୀୟ ପ୍ରେରଣା ଉତ୍ସବରେ ଯୋଗଦାନ କରିବେ । ମୋହନ ରଣାଙ୍କ ସଂଯୋଜନାରେ ଅନୁଷ୍ଠିତ ଉଦଘାଟନ ଓ ଉଦଯାପନ ସମାରୋହରେ ସୁଦର୍ଶନ ବାରିକ ଧନ୍ୟବାଦ ଅର୍ପଣ କରିଥିବାବେଳେ ପ୍ରଧାନ ଶିକ୍ଷକ ମନୋଜ କୁମାର ସାହୁ, ପ୍ରଫୁଲ୍ଲ ଡନସନା, ପ୍ରଶାନ୍ତ ହୋତା, ନରହରି ନାୟକ,ବିଷ୍ନୁ ଭୋଇ, ଦୁର୍ଯୋଧନ ସାହୁ ପ୍ରମୁଖ ବିଶେଷ ସହଯୋଗ କରିଥିଲେ।
