ଗାଇସିଲେଟ-ବରଗଡ଼ ଜିଲ୍ଲା ଗାଇସିଲେଟ ଠାରେ ପ୍ରତି ବର୍ଷ ଭଳି ଏ ବର୍ଷ ମଧ୍ୟ ମହା ସୋମାରହରେ ମା କରମାସାନୀ ପୂଜା ପାଳିତ ହୋଇଯାଇଛି । ଆଖ ପାଖ ଅଞ୍ଚଳରୁ ଶତାଧିକ ଶ୍ରଦ୍ଧାଳୁ ପହଞ୍ଚି ମାଙ୍କ ପୂଜାର୍ଚ୍ଚନା କରି ଦର୍ଶନ କରିଥିଲେ । ପୂଜା ପରେ ବିଭିନ୍ନ ସାଂସ୍କୃତିକ ଦଳ ତରଫରୁ କରମସାନୀ ଗୀତ ଉପରେ ନୃତ୍ୟ ପରିବେଷଣ କରିଥିଲେ ।
ଏଥିରେ ବିଜେପୁର ବ୍ଲକ ରାଇମାଲ ଗ୍ରାମର ବାୟକ ସୁନାଧର ପଧାନ ସାଥୀ ଗାୟକ ରାମ ଚନ୍ଦ୍ର ନାଏକ ଓ ଫକିର ବାଗ,ବଲାଙ୍ଗୀର ଜିଲ୍ଲା କୁଦୋପାଲି ଗ୍ରାମର ବୟକ ଦଧିବାହନ ତାରିଆ ସାଥୀ ଗାୟକ ଉଜ୍ଵଲ ବଗର୍ତ୍ତି ଓ ପୂର୍ଣ୍ଣ ଚନ୍ଦ୍ର ମାଟାରି,ପାଟଣାଗଡ଼ ମୁଡ଼ଘାଟ ଗ୍ରାମର ବାୟକ ଜଗନ୍ନାଥ ଦାଶ ସାଥୀ ଗାୟକ ଭକ୍ତବନ୍ଧୁ ବଗର୍ତ୍ତି ଓ ହୃଷୀକେଶ ବଗର୍ତ୍ତି ଉଚ୍ଚ କୋଟରିର ନୃତ୍ୟ ପରିବେଷଣ କରିଥିଲେ ।
ପୂଜା କମିଟିର ସଭାପତି ଶ୍ରୀଯୁକ୍ତ ଦୁର୍ଗା ପ୍ରସାଦ ଟ୍ରିବେଦୀ,ସମ୍ପାଦକ ସୋମନାଥ ସାହୁ,କୋଷାଧ୍ୟକ୍ଷ ଦାମୋଦର ସାହୁ ପ୍ରମୁଖ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ କର୍ତ୍ତା ଭାବରେ ସନ୍ତୋଷ କୁମାର ସାହୁ ଓ ପୂଜକ ଭାବରେ କରମ ଚାନ୍ଦ ସାହୁ ପୂଜା କାର୍ଯ୍ୟ ସମ୍ପାଦନ କରିଥିଲେ । ନବ ସାହୁ,କୁବେର ସାହୁ,ରଥିଆ ସାହୁ,ଘନଶ୍ୟାମ କାଲୋ,ପ୍ରକାଶ ତରିଆ ଏବଂ ବିଂଝାଲୁ ପାଣ୍ଡେ ପ୍ରମୁଖ ସହଯୋଗ କରିଥିଲେ ।
