ପଦ୍ମପୁର-ପଦ୍ମପୁର ଉପଖଣ୍ଡ ବୁଡେନ ଥାନା ଅନ୍ତର୍ଗତ ଦହିତା ତଥା ଆଖପାଖ ଗାଁରେ ମଦୁଆଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି । ଗାଁ ମାନଙ୍କରେ କୁଚିଆ ମଦ ଦୋକାନ ଯୋଗୁଁ ମଦୁଆମାନେ ଦିନରାତି ମଦ ପିଇ ଲୋକଙ୍କୁ ଖରାପ ବ୍ୟବହାର କରି ଉତ୍ପାତ ମଚାଉଥିବା ଅଭିଯୋଗ ହୋଇଛି । ରାସ୍ତା ମଝିରେ ବିଶେଷ କରି ମହିଳାମାନଙ୍କୁ ଅଶ୍ଳିଳ ଭାଷାରେ ଗାଲିଗୁଲଜ, ଟାହିଟାପରା ମାରୁଥିବା ଅଭିଯୋଗ ହୋଇଛି । ଶୁକ୍ରବାର ସାପ୍ତାହିକ ବଜାର ପଡୁଥିବା ଏବଂ ବଜାର ପାଖରେ ମଦ ଦୋକାନ ଥିବାରୁ ମଦୁଆମାନେ ସୁବିଧାରେ ମଦ କିଣି ପିଉଛନ୍ତି ଏବଂ ଦୌରାତ୍ମ୍ୟ ବଢ଼ାଉଛନ୍ତି । ତାଙ୍କ ଯୋଗୁଁ ସାଧାରଣ ଲୋକେ ତ୍ରାହି ତ୍ରାହି ଭଜୁଛନ୍ତି । ବୁଡେନ ପୋଲିସ ଏ ଦିଗରେ ନିରବଦଷ୍ଟା ସାଜିଛି ଜାନସାଧାରଣ ଙ୍କ ଦାବି ରହିଛିଜେ ବୁଡେନ ପୋଲିସ ସ୍ୱତନ୍ତ୍ର ଦୃଷ୍ଟିଦେଇ ପେଟ୍ରୋଲିଂକୁ କଡାକଡି କରିବା ପାଇଁ ଅଂଚଳବାସୀ ଦାବୀ କରିଛନ୍ତି ।