ପଦ୍ମପୁର- ପଦ୍ମପୁର ଉପଖଣ୍ଡ ଜଗଦଲପୁର ପୋଲିସ ପକ୍ଷରୁ ଓଡିଶା ଛତିଶଗଡ ସିମାନ୍ତ ଧଉରାଭଟା ଛକ ଠାରେ ଯାଂଚ ସମୟରେ ୫ କେଜି ୫୦୦ ଗ୍ରାମ ଗଞ୍ଜେଇ ଧରା ପଡିଛି । ଓଡ଼ିଶାରୁ ଛତିଶଗଡ ଅଭିମୁଖେ ଗୋଟିଏ ହିରୋ ଏଚ ଏଫ ଡିଲକ୍ସ ବାଇକରେ ଛତିଶଗଡ ଅଞ୍ଚଳର ଦୁଇ ଜଣ ଯୁବକ ସତ୍ଯମ ସାରଥି ଓ ସୋମଦେବ ସୂର୍ଯ୍ଯବଂଶୀ ଗଞେଇ ଚାଳାଣ କରୁଥିଲେ ଓ ଜଗଦଲପୁର ପୋଲିସର ଯାଂଚ ସମୟରେ ଧରାପଡିଛନ୍ତି ।
ସେମାନଙ୍କ ଠାରୁ ଗଞେଇ, ଚାଳାଣରେ ବ୍ୟବହୃତ ମୋଟରସାଇକେଲ, ଗୋଟିଏ ମୋବାଇଲ ଫୋନ ଓ ୨୮୫ ନଗଦ ଟଙ୍କା ଜବତ କରାଯାଇଛି । ଏ ସଙ୍କ୍ରାନ୍ତରେ ଜଗଦଲପୁର ଥାନାରେ ଏକ ମାମଲା ରୁଜୁ କରି ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ଥାନାଅଧିକାରୀ କୈଳାଶ ଚନ୍ଦ୍ର ପ୍ରଧାନ ସୂଚନା ଦେଇଛନ୍ତି ।
