ପଦ୍ମପୁର-ଗଙ୍ଗାଧର ମେହେର ସରକାରୀ ଉଚ୍ଚ ବିଦ୍ୟାଳୟ, ଦହିତା ଠାରେ ପ୍ରଧାନ ଶିକ୍ଷକ ଶ୍ରୀଯୁକ୍ତ କ୍ଷୀରସିନ୍ଧୁ ସୁନା ଙ୍କ ଉପସ୍ଥିତି ରେ କିଶୋରୀ ବାଳିକା ଶିକ୍ଷା ସଚେତନତା ଶିବିର ଉଦ୍ଘାଟିତ ହୋଇଯାଇଛି। ବିଦ୍ୟାଳୟ ର ବରିଷ୍ଠ ଶିକ୍ଷୟିତ୍ରୀ ଶ୍ରୀମତୀ ଚଞ୍ଚଳା କୁମାରୀ ସାହୁ ସଭାନେତ୍ରୀ, ରାଜବୋଡାସମ୍ବର ବ୍ଳକ୍ ଅଧିକାରୀ ଶ୍ରୀମତୀ ସରୋଜା ବେହେରା ,ମୁଖ୍ୟ ଅତିଥି, ଡ଼ା ପ୍ରିୟମ୍ବଦା ସୁନା ମୁଖ୍ୟ ବକ୍ତା, ଦହିତା ସରପଞ୍ଚ ଶ୍ରୀମତୀ ଦମୟନ୍ତୀ ପାଣ୍ଡେ, ସମ୍ମାନୀତ ଅତିଥି, ସ୍ଥାନୀୟ ଅଙ୍ଗନବାଡ଼ି କର୍ମୀ ଶ୍ରୀମତୀ ସୀତା ମେହେର, ଶ୍ରୀମତୀ ତୁଳସୀ ସେଠ, ଶ୍ରୀମତୀ ପୁଷ୍ପା ବାଗ, ଶ୍ରୀମତୀ ସୁମିତ୍ରା ସେଠ ଉପସ୍ଥିତ ରହି ବାଳିକାମାନଙ୍କ ସ୍ବାସ୍ଥ୍ୟ, ସୁରକ୍ଷା, ସଫାସୁତୁରା ଉପରେ ଆଲୋକପାତ କରି ବାଳିକା ମାନଙ୍କ ବିଭିନ୍ନ ସମସ୍ୟା ଓ ତା’ର ସମାଧାନ ର ବିଭିନ୍ନ ଦିଗ ସମ୍ପର୍କରେ ଆଲୋଚନା କରିଥିଲେ।

ବାଳିକାମାନଙ୍କ ଶାରୀରିକ, ମାନସିକ ତଥା ବୌଦ୍ଧିକ ବିକାଶ ପାଇଁ ମତ ରଖିଥିଲେ।ବାସ୍ତବରେଆଜିର ସଚେତନତା ଶିବିର ଏକ ବନ୍ଧୁତ୍ବ ପୂର୍ଣ୍ଣ ଆଲୋଚନା ଥିଲା।ନିଃଶଙ୍କୋଚରେ ସମସ୍ତ କଥାରେ ବାଳିକାମାନେ ମଧ୍ୟ ଅଂଶଗ୍ରହଣ କରୁଥିଲେ। କାର୍ଯ୍ୟକ୍ରମ କୁ ସଫଳତା ପାଇଁ ସହଯୋଗ ର ହାତ ବଢ଼େଇ ଥିଲେ ଶ୍ରୀଯୁକ୍ତ ଉପେନ୍ଦ୍ର ପଟେଲ, ସାମାଜିକକର୍ମୀ ଶ୍ରୀଯୁକ୍ତ ସପ୍ତସିନ୍ଧୁ ବଗର୍ତ୍ତୀ, ଶିକ୍ଷୟିତ୍ରୀ ପୂଜା ସାହୁ, ସୋନାଲିକା ଶବର, ମନିଷା ବେଶ୍ରା, ଅଞ୍ଜଳି ବେହେରା, ଶିକ୍ଷକ ଶ୍ରୀଯୁକ୍ତ କ୍ଷୀରୋଦ୍ର ନାଥ ସାହୁ, କିଶୋର ତକୁମ୍ଭାର, ଦୀପକ ସିଂ ବରିହା, ତ୍ରିଲୋକେଶ ବରିହା, ତୁଷାର ରଞ୍ଜନ ପାଣିଗ୍ରାହୀ ଓ ପୂରନ ବାଗ ଶେଷରେ ଧନ୍ୟବାଦ ଦେଇଥିଲେ ଶିକ୍ଷୟିତ୍ରୀ ରେବତୀ ବିଶି।


