ବରପାଲି-ବରପାଲି ଗଙ୍ଗାଧର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବାର୍ଷିକ ଉତ୍ସବ ପାଳିତ ହୋଇଯାଇଛି l ମୁଖ୍ୟ ଅତିଥି ଭାବରେ ବ୍ଲକ ଗୋଷ୍ଠୀ ଶିକ୍ଷl ଅଧିକାରୀ ମୁକୁନ୍ଦ ମହରା ଯୋଗ ଦେଇ କାର୍ଯ୍ଯକ୍ରମକୁ ଉଦଘାଟନ କରିଥିଲେ। ମୁଖ୍ୟବକ୍ତା ଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଅଶୋକ କୁମାର ଦାଶ ଓ ସମ୍ମାନିତ ଅତିଥି ଭାବରେ ସି ଆର ସି ସି ଶ୍ରୀନିବାସ ସାର ପ୍ରମୁଖ ଯୋଗ ଦେଇଥିଲେ l ବିଦ୍ୟାଳୟ ପରିଚାଳନା କମିଟି ସଭାପତି ଆନନ୍ଦ ଛତ୍ରିଆଙ୍କ ସଭାପତିତ୍ୱରେ ସଭାକାର୍ଯ୍ଯ ପରିଚାଳିତ ହୋଇଥିଲା।

ବିଦ୍ୟାଳୟ ପ୍ରଧାନଶିକ୍ଷକ ଚନ୍ଦ୍ରଶେଖର ରାଉତ ସ୍ୱାଗତ ଜଣାଇଥିବା ବେଳେ ଛାତ୍ର ଛାତ୍ରୀ ମାନେ ପ୍ରାରମ୍ଭିକ ସଂଗୀତ ଗାନ କରିଥିଲେ l ଅତିଥି ମାନେ ଶିକ୍ଷା ଓ ସଂସ୍କୃତିର ମହତ୍ବ ଉପରେ ଉଦବୋଧନ ଦେବା ସହ ପିଲାମାନଙ୍କୁ ପୁରସ୍କାର ବିତରଣ ମାଧ୍ୟମରେ ପ୍ରୋତ୍ସାହନ ଯୋଗାଇଥିଲେ। ପରେ ଛାତ୍ରଛାତ୍ରୀ ମାନଙ୍କ ଦ୍ବାରା ନୃତ୍ୟ ସଂଗିତ ପରିବେଷଣ କରାଯାଇଥିଲା l ବିଦ୍ୟାଳୟ ଶିକ୍ଷୟିତ୍ରୀ ସବିତା ମିଶ୍ର, ସୁଶାନ୍ତି ସାହୁ, ମଧୁମିତା ବାବୁ ନିବେଦିତା ସାହୁ, ସଂଯୁକ୍ତା ପଧାନ ଓ ଅତିଥି ଶିକ୍ଷୟିତ୍ରୀ ତୃଷ୍ଣା ବାଗ ଙ୍କ ସହଯୋଗରେ ବିଦ୍ୟାଳୟର ବାର୍ଷିକୋତ୍ସବ ସମାରୋହ ପାଳିତ ହୋଇଥିଲା l


