ପଦ୍ମପୁର- ବରଗଡ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ପଦ୍ମପୁର ଅବକାରୀ ଥାନା ନିରୀକ୍ଷକ ଓ ତାଙ୍କ ସହେଯାଗୀ ମାନେ ବିଭିନ୍ନ ସ୍ଥାନରେ ଯାନବାହନ ଯାଂଚ କରୁଛନ୍ତି । ପଦ୍ମପୁର ଉପଖଣ୍ଡ ଗାଇସିଲାଟ ଥାନା ଅର୍ନ୍ତଗତ କେନ୍ଦୁଭଟା ଛକ ନିକଟରେ ଯାଂଚ ସମୟରେ ଏକ କଳା ବଜାଜ ପଲସର ବାଇକ ଯାହାର ନମ୍ବର ସିଜି-୦୭-ଏଟି-୭୮୬୪ କୁ ଯାଂଚ କରିବାରୁ ୮ କେଜି ୫୦୦ ଗ୍ରାମ ଓଜନର ଗଂଜେଇ ଜବତ କରାଯାଇଥିଲା ।
ଏହି ଗଂଜେଇ ଚାଲାଣ ଅଭିଯୋଗରେ ଛତିଶଗଡ ରାଜ୍ୟର ଦୀପକ କୁମାର ୟାଦବ ଓ ହେମନ୍ତ କୁମାର ଦାରୋଙ୍କୁ ଗିରଫ କରିଥିଲା ଅବକାରୀ ବିଭାଗ । ସେମାନଙ୍କ ପାଖରୁ ଦୁଇଟି ମୋବାଇଲ,ବଜାଜ ପଲସର ବାଇକ ଓ ଗଂଜେଇ ଜବତ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ଅବକାରୀ ଥାନା ଏସଆଇ ଲକ୍ଷ୍ମୀଧର ମାଝୀ ସୂଚନା ଦେଇଛନ୍ତି ।
