ନୂଆପଡ଼ା(ଡୋଲେଶ୍ଵର ବାଗ)-ନୂଆପଡ଼ା ଜିଲ୍ଲା ଖଡିଆଳ କଲ୍ୟାଣ ମଣ୍ଡପ ଠାରେ ଉପଖଣ୍ଡ ସ୍ତରୀୟ ଭୀମ ଭୋଇ ସାମର୍ଥ୍ୟ ଅଭିଯାନ ମାଧ୍ୟମରେ ଦିବ୍ୟାଙ୍ଗ ପ୍ରମାଣ ପତ୍ର ପ୍ରଦାନ ଶିବିର ଅନୁଷ୍ଠିତ ହୋଇଯାଇଅଛି। ଜିଲ୍ଲା ସ୍ବାସ୍ଥ୍ୟ ବୋର୍ଡ ନିଷ୍ପତି କ୍ରମେ ଦିବ୍ୟାଙ୍ଗ ବ୍ୟକ୍ତିଙ୍କୁ ପ୍ରମାଣ ପତ୍ର ପ୍ରଦାନ କରିଥାନ୍ତି। ଜିଲ୍ଲା ରେ ଗେଟ୍ ଫେବୃଆରୀ ମାସ ଠାରୁ ନିର୍ବାଚନ ଆଚରଣ ବିଧି ଲାଗୁ ହେବା ପର ଠାରୁ ପାଞ୍ଚ ମାସ ପର୍ଯ୍ୟନ୍ତ ଏହି ଶିବିର ବନ୍ଦ ରହିଥିଲା। ଫଲରେ ଦିବ୍ୟାଙ୍ଗ ମାନେ ପରିଚୟ ପତ୍ର ପାଇବାରୁ ଅନେକ ସମସ୍ୟା ସମ୍ମୁଖୀନ ହେଉଥିଲେ।
ଏହି ଶିବିର ପୂର୍ବରୁ ନୂଆପଡ଼ା ରେ ହେଉଥିବା ବେଳେ ଜିଲାର ବିଭିନ୍ନ ପ୍ରାନ୍ତ ରୁ ଦିବ୍ଯାଙ୍ଗ ଏବଂ ତାଙ୍କ ସହ ଆସିଥିବା ତାଙ୍କ ସମ୍ପର୍କୀୟ ମଧ୍ୟ ସମସ୍ୟା ସମ୍ମୁଖୀନ ହେଉଥିଲେ। ବର୍ତ୍ତମାନ ଅବସ୍ଥା ସ୍ଥିତି ପରିବର୍ତ୍ତନ ହୋଇଅଛି। ପ୍ରତି ମାସ ତୃତୀୟ ମଙ୍ଗଳବାର ଦିନ ଖଡିଆଳ କଲ୍ୟାଣ ମଣ୍ଡପ ଠାରେ ଆଜି ଶିବିର ଅନୁଷ୍ଠିତ ହୋଇଅଛି। ବିଷେଶଜ୍ଞ ଡାକ୍ତରୀ ଦଳ ଆସି ଦିବ୍ୟାଙ୍ଗ ଙ୍କୁ ପରୀକ୍ଷା କରିଥିଲେ। ଦିବ୍ୟାଙ୍ଗ ହେବା ପ୍ରତିଶତ ପ୍ରଦାନ କରିଥିବା ଦ୍ବାରା ଭତ୍ତା ଯୋଜନାରେ ସାମିଲ ହୋଇଥାନ୍ତି। ଦୀର୍ଘ ମାସ ବ୍ୟବଧାନ ପରେ ଶିବିର ହେବାରୁ ବ୍ୟାପକ ଭିଡ଼ ପରିଲକ୍ଷିତ ହୋଇଥିଲା।
