ବରପାଲି-ବରପାଲି ବ୍ଲକ ଅନ୍ତର୍ଗତ ପ୍ରଜାବହୁଳ ଗ୍ରାମ କୁମ୍ଭାରୀ ଧାନମଣ୍ତି ମଙ୍ଗଳବାର ଉଦଘାଟିତ ହୋଇଯାଇଛି। ତହସିଲଦାର ରୁକ୍ମଣ କୁମାର ମେହେର ମୁଖ୍ୟ ଅତିଥି ଭାବରେ ଯୋଗଦେଇ କାର୍ଯ୍ଯକ୍ରମକୁ ଉଦଘାଟନ କରିଥିଲେ। ଏହି ଅବସରରେ ବିଭାଗ ପକ୍ଷରୁ ପ୍ରଜା ସଚେତନତା ସଭା ଅନୁଷ୍ଠିତ ହୋଇଥିଲା l ଗୁଣନିଧି ପଧାନଙ୍କ ସଭାପତିତ୍ୱରେ ପରିଚାଳିତ ସଭାରେ ସମ୍ମାନିତ ଅତିଥି ଭାବରେ ବରଗଡ ଆରଏମସି ସମ୍ପାଦକ ଗୋବିନ୍ଦ ନାଗ,ଏବିଡ଼ିଓ ଭବାନୀ ମେହେର,ଯୋଗାଣ ଅଧିକାରୀ ମୋନିକା ମିଶ୍ର,ଆରଏମସିଆଇ ଆଦର୍ଶ ସାହୁ ,ରାଜସ୍ୱ ନିରୀକ୍ଷକ ବିଜୟ ରାଉତ ଓ କୁମ୍ଭାରୀ ପେକ୍ସ ସମ୍ପାଦକ ଅଗସ୍ତି ପଧାନ ଯୋଗଦାନ କରିଥିଲେ।
ଅତିଥି ମାନେ ଚାଷୀଙ୍କ ସହଯୋଗ ଲୋଡିବା ସହିତ ଆପଣ ମାନଙ୍କ ସହାୟତାରେ ଧାନ କିଣାବିକା ସୁରଖୁରରେ ଚାଲିବ ଏବଂ ଚାଷୀ ନିର୍ଦ୍ଧାରିତ ମୂଲ୍ୟ ପାଇବ ବୋଲି ମତବ୍ୟକ୍ତ କରିଥିଲେ l ଏଠାରେ ତିନିଜଣ ଅଗ୍ରଣୀ ଚାଷୀକୁ ଉପଢୌକନ ଦେଇ ସମ୍ମାନିତ କରାଯାଇଥିଲା l ମା ବ୍ରଜେଶ୍ୱରୀ ଓ ମା ଅର୍ଣ୍ଣପୁର୍ଣlଙ୍କ ଫଟୋଚିତ୍ରରେ ଦୀପପ୍ରଜ୍ବଳନ କରି ସଭାକାର୍ଯ୍ୟ ଆରମ୍ଭ ହୋଇଥିବା ବେଳେ ବ୍ରଜେଶ୍ୱରୀ ନୃତ୍ୟ କଳା ସଂସଦ କଳାକାର ମାନେ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ l ସ୍ୱାଗତ ଓ ପରିଚୟ ଡୋଲାମଣି ସାହୁ ପ୍ରଦାନ କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ ଭୁବନେଶ୍ୱର ଖମାରୀ l ଗ୍ରାମର ଶତାଧିକ ଚାଷୀ ଉପସ୍ଥିତ ରହିଥିଲେ।
