କୁଚିଣ୍ଡା(ତପନ ଦାଶ)-କୁଚିଣ୍ଡା ବ୍ଲକର ବିଭିନ୍ନ ପଞ୍ଚାୟତରେ ନବ ନିର୍ମିତ ପ୍ରକଳ୍ପକୁ ସୋମବାର ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ମନ୍ତ୍ରୀ ରବି ନାରାୟଣ ନାଏକ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଛନ୍ତି।
ହାଡିପାଲି ପଞ୍ଚାୟତର କିଣ୍ଡିରା ମାର୍କେଟ କମ୍ପେକ୍ସ,ପାନପାଲି ଶିବ ମନ୍ଦିର କଲ୍ୟାଣ ମଣ୍ଡପ,ପାରୁଆଭାଡି ପଞ୍ଚାୟତର ପତ୍ରାପାଲି ସ୍କୁଲ ଅତିରିକ୍ତ ଶ୍ରେଣୀଗୃହ ଓ ହରିଜନପଡା ମଣ୍ଡପ,ସାନଜଟିଆପାଲି ମଣ୍ଡପ,ପାରୁଆଭାଡି ମାର୍କେଟ କମ୍ପ୍ଲେକ୍ସ,ଅର୍ଡାବାହାଲ ପଞ୍ଚାୟତର ଅର୍ଡାବାହାଲ ଯୁକ୍ତଦୁଇ କଲେଜ(ଏସଏସଡି)ର
ରୂପାନ୍ତରୀକରଣ କାର୍ଯ୍ୟ, ତେଲିତିଲେଇମାଲରେ ସ୍ୱାସ୍ଥ୍ୟ ଉପକେନ୍ଦ୍ର ଓ ନୂତନ ସ୍କୁଲ ଗୃହ,ଟାଇଁସରରେ ଗ୍ରାମୀଣ ଶିଳ୍ପ ଉଦ୍ୟାନର ଶୁଭ ଉଦଘାଟନ କରିଥିବା ବେଳେ କୁସୁମୀ ବଳରାମ ହାଇସ୍କୁଲର ନୃତନ କୋଠା ନିର୍ମାଣ ପାଇଁ ଶିଳାନ୍ୟାସ କରିଥିଲେ।
ଏହି କାର୍ଯ୍ୟକ୍ରମରେ ଜିଲ୍ଲାପରିଷଦ ସଭ୍ୟ ଦିବ୍ୟରାଜ କିଷାନ,ଏମପି ପ୍ରତିନିଧି ରୁଦ୍ରପ୍ରତାପ ଦେଓ,ବିଡିଓ ନିରଞ୍ଜନ ସା,ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ପ୍ରଜ୍ଞା ପରମିତା ନାୟକଙ୍କ ସହ ସରପଞ୍ଚ, ସମିତିସଭ୍ଯ ଓ ପିଇଓ ମାନେ ଉପସ୍ଥିତ ଥିଲେ।
