ଗାଇସିଲେଟ-ବରଗଡ ଜିଲ୍ଲା ବିଜେପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଗାଇସିଲେଟ ବ୍ଲକ କଳଙ୍ଗାପାଲି ସାହୁ କଲ୍ୟାଣ ମଣ୍ଡପ ଠାରେ ଶନିବାର ଅପରାହ୍ନ ୩ଟା ସମୟରେ ନବନିର୍ବାଚିତ ବିଧାୟକ ସନତ କୁମାର ଗଡତିଆଙ୍କୁ ଶତାଧିକ ମାତ୍ରାରେ ଜନସାଧାରଣ ଓ କର୍ମୀ ସମର୍ଥକ ମାନେ ସ୍ଵାଗତ ଜଣାଇଛନ୍ତି ।
ଏହି ସମାରୋହରେ ଏକ ବୈଠକ ର ଆୟୋଜନ ହୋଇଥିଲା ଏବଂ ଉକ୍ତ ବୈଠକରେ ବିଧାୟକ ଗାଇସିଲେଟ ବ୍ଲକ ସହ ବିଜେପୁର ବରପାଲି ର ଉନ୍ନତି ମୂଳକ କାର୍ଯ୍ୟ ପାଇଁ ପ୍ରତିଶୃତି ଦେବା ସହ ଜନସାଧାରଣ ନିର୍ବାଚନ ସମୟରେ ଯେଉଁ ଭଳି ଭବେ ସମର୍ଥନ ଦେଇଛନ୍ତି ସେହିଭଳି ପ୍ରତ୍ୟେକ କାର୍ଯ୍ୟରେ ମୋତେ ସମର୍ଥନ କରିବା ପାଇଁ ଅନୁରୋଧ କରିଥିଲେ ।
କାର୍ଯ୍ୟକ୍ରମରେ ଗାଇସିଲେଟ ଜୋନ ଦୁଇ ଜିଲ୍ଲାପରିଷଦ ସଭ୍ୟା ଝରଣା ପାଣିଗ୍ରାହୀ, ମଣ୍ଡଳ ସଭାପତି ବିପିନ ବିହାରୀ ସାହୂ, ପ୍ରବୀଣ ପାଣିଗ୍ରାହି , ସସ୍ମିତା ଡନସନା, ଗୋପାଲ ସାହୁ, ମହେଶ ଦେବତା , ଶରତ ବିଶି ଓ ଗୁଦେର ପାଲି ମଣ୍ଡଳ ସଭାପତି ଆନନ୍ଦ ମଟାରି ପ୍ରମୁଖ ମଞ୍ଚାସିନ ଥିଲେ ।
