କଣ୍ଟାବାଞ୍ଜି- କଣ୍ଟାବାଞ୍ଜି ଏନଏସି ବୈଠକରେ କଥା କଟାକଟି, ଏନଏସି ଈଓ ଓ କାଉନସିଲର ମାନଙ୍କ ମଧ୍ୟରେ ତୁତୁ ମେମେ ହୋଇଛି । ଶୁକ୍ରବାର ଅଫିସ ଚିଠି ଅନୁସାରେ ସ୍ୱାଧୀନତା ଦିବସ ପ୍ରସ୍ତୁତି ବୈଠକ ହୋଇଥିଲା । ଏଥିରେ ଇଓ ଗିରିଜା ଶଙ୍କର ମଲ୍ଲିକ ଏନଏସି ଅଧକ୍ଷ, ଉପାଧ୍ୟକ୍ଷ ସମେତ ସମସ୍ତ କାଉନସିଲର ଓ ସ୍କୁଲ ପ୍ରଧାନ ଶିକ୍ଷକ ମାନଙ୍କୁ ଚିଠି କରି ଡାକିଥିଲେ।
ତେବେ ଏହି ବୈଠକ ରେ କିଛି କାଉନସିଲର ପହଂଚି ଅଧକ୍ଷ ବାରିୟମ ସିଂ ସାଲୁଜା ଓ ଉପାଧକ୍ଷା ମନୋରମା ରାଉତ ନଥିବାରୁ ଅସନ୍ତୋଷ ଜାହିର କରିବା ସହ ଇଓ ସହ ଯୁକ୍ତିତର୍କ କରିଥିଲେ । ଈଓ ନିଜ ମନ ମାନି କାମ କରୁଥିବା ବେଳେ କାଉନସିଲର ମାନଙ୍କୁ ଦୁର୍ବ୍ୟବହାର କରୁଥିବା କହିଥିଲେ।
ଏହା କୁ ନେଇ ୬ ଜଣ ଉପସ୍ଥିତ କାଉନସିଲର ସଭାଗୃହ ରୁ ଫେରି ଯାଇଥଲେ । ସେପଟେ ସମସ୍ତଙ୍କୁ ଚିଠି କରାହୋଇଥିବା କହିଲେ କାର୍ଯ୍ୟନିର୍ବାହି ଅଧିକାରୀ ଓ କାହାରି ଅନୁପସ୍ଥିତ ହେଲା ପରେ ସରକାରୀ କାର୍ଯ୍ୟକ୍ରମ ରହି ଯିବ କି ବୋଲି କହିଛନ୍ତି।
