ପାଇକମାଲ- ପଦ୍ମପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ପାଇକମାଲ ବ୍ଲକ କଂଗ୍ରେସ କାର୍ଯ୍ୟାଳୟ ଠାରେ ବରିଷ୍ଠ କଂଗ୍ରେସ ନେତା ତଥା ପୂର୍ବତନ ବିଧାୟକ ସତ୍ୟଭୂଷଣ ସାହୁଙ୍କ ନେତୃତ୍ୱରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ମିଶ୍ରଣ ପର୍ବରେ ପାଇକମାଲ ଅଂଚଳର ଶତାଧିକ ବିଜେଡି ଓ ବିଜେପି କର୍ମୀ ମାନ୍ୟବର ରାହୁଲ ଗାନ୍ଧୀଙ୍କ ଓ ଟଙ୍କଧର ସାହୁଙ୍କ ନିତି ଆଦର୍ଶରେ ଅନୁପ୍ରାଣିତ ହୋଇ କଂଗ୍ରେସ ଦଳରେ ଅନୁଷ୍ଠାନିକ ଭାବରେ ଯୋଗଦେଇଛନ୍ତି । ବରିଷ୍ଠ କଂଗ୍ରେସ ନେତା ସତ୍ୟଭୂଷଣ ସାହୁ ସମସ୍ତଙ୍କୁ ଉତ୍ତରିୟ ଓ ଫୁଲମାଲ ଦେଇ ଦଳକୁ ସ୍ୱାଗତ କରିଥିଲେ । ସୂଚନା ଅନୁସାରେ ପାଇକମାଲର ବିଜେଡି ନେତା ଧୁବଲେ ସାହୁ କିଛି ଦିନ ପୂର୍ବରୁ ଦଳ ଛାଡି କଂଗ୍ରସେରେ ଯୋଗଦେଇଛନ୍ତି , ତେବେ ବିଜେଡି ଓ ବିଜେପ ଦଳର କର୍ମୀ କଂଗ୍ରେସରେ ଯୋଗଦେବା ଦଳ ପାଇଁ ଲାଭ ଦାୟକ ବୋଲି ବରିଷ୍ଠ ନେତା କହିଛନ୍ତି । ଏହି ମିଶ୍ରଣ ପର୍ବରେ ଅନ୍ୟ ମାନଙ୍କ ମଧ୍ୟରେ ଧୁବଲେ ସାହୁ,ମନୋଜ ତ୍ରିବେଦୀଙ୍କ ସମେତ ଅନେକ କଂଗ୍ରେସ ନେତା ଉପସ୍ଥିତ ଥିଲେ ।
