ପାଟଣାଗଡ଼(ସନ୍ତୋଷ ପଣ୍ଡା)-ରମାଇ ହାଇସ୍କୁଲ ପଡିଆରେ ଉପଖଣ୍ଡ ସ୍ତରୀୟ କୃଷି ଯନ୍ତ୍ରପାତି ମେଳା ଉପମୁଖ୍ୟମନ୍ତ୍ରୀ ତଥା କୃଷି ମନ୍ତ୍ରୀ କନକ ବର୍ଦ୍ଧନ ସିଂଦେଓଙ୍କ କରକମଳରେ ଉଦଘାଟିତ ହୋଇଯାଇଛି। ଅନୁଷ୍ଠିତ କାର୍ଯ୍ୟକ୍ରମରେ ସଭାପରିଚାଳନା ସୁଧାକର ନନ୍ଦ ଓ ସ୍ୱାଗତ ଭାଷଣ ଜିଲ୍ଲା କୃଷିଅଧିକାରୀ ବାବୁଲି ଚରଣ ସେଠୀ ଦେଇଥିବାବେଳେ ସମ୍ମାନିତ ଅତିଥି ଭାବରେ ବଲାଙ୍ଗିର ଜିଲାପାଳ ଗୌରବ ଶିବାଜୀ ଇସଲୱାର,ବଲାଙ୍ଗିର ଏସପି ରିଷିକେଶ ଖିଲାରୀ ଓ ରାଜ୍ୟ ସଭା ସାଂସଦ ନିରଞ୍ଜନ ବିଶି ଯୋଗଦେଇଥିଲେ।
ଏହି ମେଳାରେ ଚାଷୀମାନଙ୍କ ପାଇଁ ଚାଷପଯୋଗୀ କୃଷି ଯନ୍ତ୍ରପାତି ରିହାତି ଦରରେ ବିକ୍ରୟ ଓ ପ୍ରଦର୍ଶନୀ କରାଯାଇଥିଲା। ଏହି ମେଳା ତିନି ଦିନ ଧରି ଆସନ୍ତା ଗୁରୁବାର ଦିନ ପର୍ଯ୍ୟନ୍ତ ଚାଲିବ। ଯେଉଁ ଚାଷୀ ମାନେ ରିହାତି ଦରରେ କୃଷି ଯନ୍ତ୍ରପାତି ନେବା ପାଇଁ ଚାହିଁବେ ସରକାରଙ୍କ ତରଫରୁ ବିଭିନ୍ନ ଯନ୍ତ୍ରପାତି ପାଇଁ ରିହାତି ପ୍ରଦାନ କରାଯାଉଛି ଓ ଏହି ମେଳରୁ ନେଇପାରିବେ ବୋଲି ଉପସ୍ଥିତ ଅତିଥିମାନେ ମତ ବ୍ୟକ୍ତ କରିଥିଲେ।
