ବରପାଲି-ବରପାଲି ଗୋପୀନାଥ ନଗର ରାଧା ଗୋପୀନାଥ ମନ୍ଦିର ପରିସରରେ ମହାନ ଶ୍ରୀକୃଷ୍ଣ ଜନ୍ମ ଓ ନନ୍ଦୋତ୍ସଵ ପାଳିତ ହୋଇଯାଇଛି । ଇସ୍କନ ରୀତିନୀତି ଶୈଳିରେ ଉତ୍ସବର ତୃତିୟ ଦିବସରେ ନନ୍ଦତ୍ସୋବ ଆନନ୍ଦ ଉଲ୍ଲାସ ମଧ୍ଯରେ ସମାପନ ହୋଇଥିଲା। ଗତ ସୋମବାର ମନ୍ଦିରରେ ଭକ୍ତ ମାନଙ୍କ ଦ୍ବାରା ଗୋପାଳ ସହସ୍ରନାମ ପଠନ, ଆଧ୍ଯାତ୍ମିକ ଭଜନ ସମାରୋହ ପାଳିତ ହୋଇଥିଲା। ସେହିପରି ଶ୍ରୀକୃଷ୍ଣ ଜନ୍ମାଷ୍ଟମୀ ବିଷୟ ବସ୍ତୁକୁ ନେଇ ନାଟିକା ପରିବେଷଣ ହୋଇଥିଲା।
ପରେ ମନ୍ଦିର ପୂଜକଙ୍କ ଦ୍ୱାରା ମହାପ୍ରଭୁଙ୍କ ମହାଅଭିଷେକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବ୍ରତଧାରୀ ଓ ବୈଷ୍ଣବ ଧର୍ମାବଳମ୍ବି ଭକ୍ତ ମାନଙ୍କ ଗହଣରେ ଶ୍ରୀକୃଷ୍ଣଙ୍କ ଅଭିଷେକ କରାଯାଇଥିଲା। ପରେ ଗୋପୀନାଥ ଜିଉଙ୍କ ସମିପରେ ୫୬ ପଉଟି ଭୋଗ ସମର୍ପଣ ଲାଗି ମହାଆରତୀ ପ୍ରଦାନ କରାଯାଇଥିଲା । ମଙ୍ଗଳବାର ନନ୍ଦୋତ୍ସଵ ପାଳନ ଅବସରରେ ଉପସ୍ଥିତ ଶ୍ରଦ୍ଧାଳୁ ଭକ୍ତମାନେ ପୂଜାର୍ଚ୍ଚନା ସହିତ ପରିବାରର ମନୋକାମନା ପୂରଣ ପାଇଁ ଭଗବାନଙ୍କ ଆଶିର୍ବାଦ ଭିକ୍ଷା କରାଯାଇଥିଲା।
