ପଦ୍ମପୁର(ନିରୋଜ କୁମାର ପାଣୀ)-ପଦ୍ମପୁର ଉପଖଣ୍ଡ ପାଇକମାଲ ବିନ୍ଧ୍ଯ ବାସିନୀ କଲେଜ ସମ୍ମୁଖରେ କଲେଜର ସ୍ନାତକ ଛାତ୍ର ମାନେ ଏକ ଅସହାୟ ରୋଗୀ ବ୍ଯକ୍ତିଙ୍କୁ ଉଦ୍ଧାର କରି ପଦ୍ମପୁର ଉପଖଣ୍ଡ ଚିକିତ୍ସାଳୟ କୁ ପଠାଇଛନ୍ତି । ଏହି ଅସହାୟ ବ୍ଯକ୍ତି ଗତକାଲି ରୁ ଆସି ଆଉ ଆଗକୁ ଯାଇ ପାରି ନଥିଲା । ଆଜି ସକାଳୁ ଛାତ୍ର ମାନେ ଆସି ଅସହାୟ କୁ ଦେଖିବା ପରେ ପୋଲିସକୁ ଖବର ଦେଇଥିଲେ ।
ହେଲେ ପୋଲିସ ଖବର ପାଇଲା ପରେ ମଧ୍ଯ ନ ଆସିବାରୁ ଏହି ସ୍ନାତକ ଛାତ୍ରଗଣ ମାନେ ୧୦୮ କୁ ଫୋନ କରି ପଦ୍ମପୁର ଉପଖଣ୍ଡ ଡାକ୍ତରଖାନାକୁ ଚିକିତ୍ସା ପାଇଁ ପଠାଇଛନ୍ତି । ଅସହାୟ ରୋଗୀ ଜଣକ ହେବେ ସମ୍ବଲପୁର ନିକଟସ୍ଥ ଉମାଧୁମାର ଗ୍ରାମର ସନାତନ ପଣ୍ତା ବୋଲି ଜଣା ପଡିଛି । ପାଇକମାଲ ବିନ୍ଧ୍ଯ ବାସିନୀ ସ୍ନାତକ ଛାତ୍ରଗଣ ହସମୁଖ ପଟେଲ,ଚନ୍ଦନ ବାରିକ,କୃପାସିନ୍ଧୁ ବରିହା,ରୁତୁରାଜ ପ୍ରଧାନଙ୍କ ସମେତ ସମସ୍ତେ ମଶି ମାନବିତା ଦେଖାଇ ଥିବାରୁ ଅଞ୍ଚଳର ଜନ ସାଧାରଣ ସାଧୁବାଦ ଜଣାଇଛନ୍ତି ।
