ବରପାଲି-ବରପାଲି ଲିଟିଲ ଏଞ୍ଜେଲସ ପବ୍ଲିକ ସ୍କୁଲ ପରିସରରେ ଅନ୍ତର୍ଜାତିୟ ବରିଷ୍ଠ ନାଗରିକ ଦିବସ ପାଳିତ ହୋଇଯାଇଛି।ସାଇଶ୍ରୀ ଆନନ୍ଦ ହଷ୍ଟେଲର ଛାତ୍ର ଛାତ୍ରୀ ମାନଙ୍କ ପକ୍ଷରୁ ସମାରୋହ ଆୟୋଜିତ ହୋଇଥିଲା। ଏହି ଅବସରରେ ବିଦ୍ୟାଳୟର ଚତୁର୍ଥ ଶ୍ରେଣୀ କର୍ମଚାରୀ ଟିକଲାଲ ରାଉତ ଓ ଅକ୍ତାରୀ ଆଣ୍ଟିଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶିକ୍ଷକ ଆଦିତ୍ୟ ପ୍ରସାଦ କର ପରିଚୟ ପ୍ରଦାନ କରିଥିବା ବେଳେ ପ୍ରଶାସନିକ ଅଧିକାରୀ ମିନତି ପ୍ରଧାନ ଉଦ୍ଦେଶ୍ୟ ଜ୍ଞାପନ କରିଥିଲେ । ଶିକ୍ଷକ ପୁରନ୍ଦର ସିଂହ ଦିବସର ତାତ୍ପର୍ଯ୍ଯ ସମ୍ପର୍କିତ ନିରନ୍ତର ପରିଶ୍ରମୀ ହେବା ସହ ନିୟମିତ ଭାବେ ସୁଷମ ଖାଦ୍ୟ ଗ୍ରହଣ କଲେ ବୟସ ହାର ମାନିବ ବୋଲି ପରାମର୍ଶ ଦେଇଥିଲେ। ଶିକ୍ଷକ ଦୟାସାଗର ନନ୍ଦ ନିଜସ୍ଵ ବକ୍ତବ୍ୟରେ ବରିଷ୍ଠ ନାଗରିକଙ୍କୁ ଉଚିତ ସମ୍ମାନ ଜଣାଇବାକୁ ପରାମର୍ଶ ଦେଇଥିଲେ।
ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ସହିତ ଆଶିଷ ଭୋଇଙ୍କ ନିର୍ଦ୍ଦେଶନାରେ ନାଟକ “ଘର୍ ଶାଲ୍ କେ ବୁଢୀଟେ ” ମଞ୍ଚସ୍ଥ ହୋଇଥିଲା ।ସ୍ୱୟଂସିଦ୍ଧା ପଧାନ ବଂଶିକା ପଧାନ ଆଶୀର୍ବାଦ ଦାଶ ଅମ୍ଳାନ ପଧାନନିଶାନ୍ତ ସିକା ସାଇରାଜ ବିଶ୍ୱାଳ ଆଦି ଛାତ୍ରଛାତ୍ରୀ ଗଣ ନାଟକରେ ଅଂଶ ଗ୍ରହଣ କରିଥିଲେ l ଏହା ସହ ପ୍ରି ନର୍ସରୀରୁ ପଞ୍ଚମ ଶ୍ରେଣୀ ଛାତ୍ରଛାତ୍ରୀ ମାନଙ୍କ ପାଇଁ ଏକ ଅନ୍ଲାଇନ କାର୍ଯ୍ୟକ୍ରମ ରଖାଯାଇଥିଲା । ହ୍ବାଟସ୍ ଆପ୍ ଜରିଆରେ ପିଲାମାନେ ବୟସ୍କ ମାନଙ୍କ ସହ କଟାଇଥିବା ଗୁଣାତ୍ମକ ସମୟର ଚିତ୍ରକୁ ସୁନ୍ଦର ଭାବେ ଉତ୍ତୋଳନ ମାଧ୍ଯମରେ ପଠାଇଥିଲେ l ଛାତ୍ର ଛାତ୍ରୀ ଏହି ଦିବସରେ ଭରପୁର ମଜା ଉଠାଇଥିଲେ। ଛାତ୍ରାବାସର କର୍ମକର୍ତ୍ତା ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିବାରେ ସହାୟକ ସାଜିଥିଲେ ।
