ବରପାଲି – ବରପାଲି ବ୍ଳକ ଜୁଲଟ ଖେଳ ପଡିଆରେ ଫ୍ରେଣ୍ତ ଏ ହୋପ ସଂସ୍ଥା ପକ୍ଷରୁ ଆୟୋଜିତ ଫୁଟବଲ ପ୍ରତିଯୋଗିତା ଉଦଘାଟିତ ହୋଇଯାଇଛି । ଶନିବାର ଅପରାହ୍ନରେ ଆୟୋଜିତ ଚେରେଟି କପ ଫୁଟବଲ ଦୁଇ ଦିନିଆ ଭାବରେ ହେଉଥିବା ବେଳେ ୮ଟିଦଳ ଭାଗ ନେଇଛନ୍ତି। ଉଦଘାଟନୀ ଖେଳ ବରଗଡ ଓ ଖରମୁଣ୍ତା ମଧ୍ଯରେ ହୋଇଥିଲା। ମୂଖ୍ଯଅତିଥି ଭାବେ ପୂର୍ବତନ ବିଧାୟକ ଦେବେଶ ଆଚାର୍ଯ୍ଯଙ୍କ ଦ୍ବାରା ପ୍ରତିଯୋଗିତା ଉଦଘାଟିତ ହୋଇଥିଲା।
ସମ୍ମାନିତ ଅତିଥି ଭାବରେ କନବାର ସରପଞ୍ଚ ଅଧିକାରୀ ବାରିକ,ସେବା ଫାଉଣ୍ତେସନ ସଭାପତି ରାହୁଲ ଦାଶ,ପୁର୍ବତନ ସରପଞ୍ଚ ଦଶରଥ ବେହେରା ଓ ସମିତିସଭ୍ଯ ଜୟଦେବ ଗଡତିୟା ପ୍ରମୁଖ ଯୋଗ ଦେଇଥିଲେ। ଖେଳ ପରିଚାଳକ ଭାବରେ ସିବୁ ଅଗ୍ରୱାଲା,ପ୍ରଦିପ ଦାଶ,ରଞ୍ଜୁ ଛତରିଆ,ଏମ ସିବା ରାଓ ପରିଚାଳନା ଦାୟିତ୍ବ ତୁଳାଇଥିଲେ। ପ୍ରତିଯୋଗିତାରେ ଭାଗ ନେଇଥିବା ଆଖପାଖ ଅଞ୍ଚଳର ଖରମୁଣ୍ତା,ସମ୍ବଲପୁର ବରଗଡ,ବଲାଙ୍ଗିର, କଦଲିପାଲି,ବେହେରା ଏଫସି,ଚାରବାଟି ପ୍ରଭୁତି ଦଳ ମାନ ଭାଗ ନେଇଥିଲେ।
ପ୍ରତିଯୋଗିତାର ଲାଭାଶଂକୁ ଆୟୋଜକ ସଂସ୍ଥା ଫ୍ରେଣ୍ତ ଏ ହୋପ କର୍ମକର୍ତ୍ତା ମାନେ ଅନାଥା ଓ ବୃଦ୍ଧା ଆଶ୍ରମର ସହଯୋଗ ଉଦେଶ୍ଯରେ ଏହି ମହାନ କାର୍ଯ୍ଯକ୍ରମର ଆୟୋଜନ ବୋଲି ଦର୍ଶାଇଥିଲେ। ଆସନ୍ତା କାଲି ରବିବାର ଅପରାହ୍ନ ସମୟରେ ପ୍ରତିଯୋଗିତାର ଅନ୍ତିମ ଖେଳ ସହ ଉଦଯାପନୀ ଉତ୍ସବ ପାଳନ ନିମନ୍ତେ ପୁର୍ବରୁ ସଂସ୍ଥା ମନସ୍ଥ କରିଥିବା ଜଣାପଡିଥିଲା।
