ଅତାବିରା(ସୁରେନ୍ଦ୍ର କଠାର)-ବରଗଡ଼ ଜିଲ୍ଲା ଅତାବିରା ଅଗ୍ରସେନ ଭବନ ଠାରେ ରାଜ୍ଯ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀଙ୍କ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏହି ସମ୍ବର୍ଦ୍ଧନା ସଭାରେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ, ଅତାବିରା ଯୁବ ବିଧାୟକ ନିହାରରଞ୍ଜନ ମହାନନ୍ଦ, ବିଜେପି ରାଜ୍ଯ କାର୍ଯ୍ୟକାରିଣୀ ସଦସ୍ଯ ସୁରେଶ୍ଵର ଶତପଥୀ, ବରିଷ୍ଠ ବିଜେପି ନେତା ଚିତ୍ତରଞ୍ଜନ ଭୋଇ ପ୍ରମୁଖ ମଞ୍ଚାସୀନ ଥିଲେ। ଶ୍ରୀଯୁକ୍ତ ସୁରେଶ ପୂଜାରୀଙ୍କୁ ଅତାବିରାର ବିଭିନ୍ନ ସଂଘଠନର କାର୍ଯ୍ୟକର୍ତ୍ତା ଯୋଗଦେଇ ପୁଷ୍ପଗୁଚ୍ଛ ଦେଇ ସ୍ବାଗତ ସମ୍ବର୍ଦ୍ଧନା ପ୍ରଦାନ କରିଥିଲେ।
ଅତାବିରା ଅଞ୍ଚଳର ଅରବିନ୍ଦ ସ୍କୁଲ, ଆଞ୍ଚଳିକ ସାହିତ୍ୟ ପରିଷଦ , ଗ୍ରାମ୍ୟ କମିଟି ଅତାବିରା, ଜାଗୂତି ମହିଳା ଶାଖା, ପ୍ଲ୍ରେର୍ସ କ୍ଲବ, ବ୍ରାହ୍ମଣ ସମାଜ, ବରିଷ୍ଠ ନାଗରିକ କମିଟି, ଜନ କଲ୍ୟାଣ କୁଲିତା ସମାଜ, ମୁସଲିମ ସମାଜ, ମାରଓ୍ବାଡି ସମାଜ, ଅବସରପ୍ରାପ୍ତ ସୈନିକ ସଂଘ, ଓଡ଼ିଶା ରାଜ୍ଯ କୃଷକ ସଂଘଠନ,କାଓ୍ବା ସଂଘ, ବଣିକ ସଂଘ, ଓକିଲ ସଂଘ, ଅତାବିରା ବ୍ଲକର ବିଜେପିର ପାହାଡଶ୍ରୀଗିଡା ମଣ୍ଡଳ, କାଠଡେରା ମଣ୍ଡଳ, କୁଲୁଣ୍ଡା ମଣ୍ଡଳ, କାଦୋବାହାଲ ମଣ୍ଡଳ, ଅତାବିରା ନଗର ମଣ୍ଡଳ ଏବଂ ଭେଡେନ ବ୍ଲକର ଭେଡେନ ମଣ୍ଡଳ, ସଂକ୍ରିଡା ମଣ୍ଡଳ, ପପଂଗା ମଣ୍ଡଳ, ଅତାବିରା ଯୁବମୋର୍ଚା, ମହିଳା ମୋର୍ଚ୍ଚା ଓ ବଜରଙ୍ଗ ଦଳର କର୍ମକର୍ତ୍ତାଗଣ ସମ୍ବର୍ଦ୍ଧନା ପ୍ରଦାନ କରିଥିଲେ।
