ବରପାଲି-ବରପାଲି ବ୍ଲକ ମହଦା ରାଞ୍ଜ ନଦୀ ନିକଟରେ ଶୁକ୍ରବାର ରାତ୍ର ସମୟରେ ଏକ ଅଜଣା ଟ୍ରକ ସହ ବାଇକର ମୁହାଁମୁହିଁ ଦୁର୍ଘଟଣା ହୋଇଯାଇଛି। ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ ଟିଟଲାଗଡ ବନ୍ଧପଡାର ଦୁଇଜଣ ଯୁବକ ଓଡି-୧୭-ଭି-୦୪୦୫ ନମ୍ବର ବାଇକରେ ବରଗଡ ପଟକୁ ଆସୁଥିଲେ।
ନେହେରୁନଗର ମୋଡାଣି ବାଇକଟି ପାର ହେଉଥିବା ବେଳେ ବରପାଲି ପଟରୁ ଯାଉଥିବା ଏକ ଅଜଣା ଟ୍ରକ ମୁହାଁମୁହିଁ ଧକ୍କା ଦେଇ ବଲାଙ୍ଗୀର ପଟକୁ ଫେରାର ମାରିଥିଲା। ଦୁର୍ଘଟଣା ଯୋଗୁ ଘଟଣାସ୍ଥଳରେ ବାଇକ ଚାଳକର ମୃତ୍ଯୁ ହୋଇଥିବା ବେଳେ ଅନ୍ଯ ଜଣେ ଯୁବକ ସଙ୍କଟାପର୍ଣ୍ଣ ଭାବରେ ରାସ୍ତା କଡରେ ସଜ୍ଞାହିନ ଅବସ୍ଥାରେ ପଡିଥିଲା।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଯୁବକ ଦ୍ବୟଙ୍କୁ ଉଦ୍ଧାର କରିବା ସହ ନିକଟସ୍ଥ ଡାକ୍ତରଖାନାକୁ ପଠାଇଥିଲେ। ପୋଲିସ ସ୍ଥାନିୟ ଲୋକଙ୍କୁ ପଚରାଉଚରା କରିବା ସହ ଅନୁସନ୍ଧାନ ପକ୍ରିୟା ଜାରି ରଖିଛନ୍ତି।
