ବରଗଡ଼ – ସାମାଜିକ ଅନୁଷ୍ଠାନ ସଂକଳ୍ପ ପରିବାର ବରଗଡ଼ର ସଦସ୍ୟ ମାନଙ୍କ ଦ୍ୱାରା ଆଜି ପିପଳମୁଣ୍ଡା ସ୍ୱର୍ଗଦ୍ୱାରରେ ଏକ ଅଚିନ୍ହା ବୃଦ୍ଧା ମହିଳାଙ୍କ ଶବ ସତ୍କାର କରାଯାଇଛି । ସୂଚନା ମୁତାବକ ମୃତ ବୃଦ୍ଧାଙ୍କ ବୟସ ପାଖାପାଖି ଷାଠିଏ ବର୍ଷ ହୋଇଥିବା ଅନୁମାନ କରାଯାଉ ଥିବା ବେଳେ ସେ ଗତ ମଙ୍ଗଳବାର ଦିନ ସକାଳ ୧୦ଘଣ୍ଟା ସମୟରେ ଲାଦେରପାଳି ଛକରେ ରାସ୍ତା ପାରି ହେଉଥିବା ବେଳେ ଏକ ଅଚିହ୍ନା ଗାଡି ଧକ୍କା ଦେଇଥିଲା ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।ଘଟଣା ସ୍ଥଳକୁ ଅତାବିରା ପୋଲିସ ପହଞ୍ଚି ଏକ ମାମଲା ରୁଜୁ କରିବା ସହିତ ମୃତ ବୃଦ୍ଧାଙ୍କ ପଞ୍ଚନାମ କରିଥଲା , ହେଲେ ବୃଦ୍ଧାଙ୍କ କୌଣସି ପରିଚୟ ମିଳିପାରିନଥିଲା ।
ଆଜି ଶୁକ୍ରବାର ଦିନ ୭୨ଘଣ୍ଟା ବିତିଯାଇଥିଲେ ମଧ୍ୟ ମୃତ ବୃଦ୍ଧାଙ୍କ କୌଣସି ପରିଚୟ ବା ସମ୍ପର୍କୀୟ ଲୋକଙ୍କ ଖବର ମିଳିପାରିନଥିଲା ଏଣୁ ଅତାବିରା ପୋଲିସ ର ଲିଖିତ ଅନୁରୋଧ କ୍ରମେ ସାମାଜିକ ଅନୁଷ୍ଠାନ ସଂକଳ୍ପ ପରିବାର ତରଫରୁ ପିପଳମୁଣ୍ଡା ସ୍ୱର୍ଗଦ୍ୱାରରେ ସ-ସମ୍ମାନେ ବୃଦ୍ଧଙ୍କ ସବ ସତ୍କାର କରାଯାଇଥିଲା । ଏଥିରେ ସଂକଳ୍ପ ପରିବାରର ସକ୍ରିୟ ସଦସ୍ୟ ଶେସଦେବ ପଧାନ , ଦେବାଶିଷ ଡାଙ୍ଗ, ଭରତ ପଣ୍ଡା , ପିଙ୍କୁ ପଣ୍ଡା, ବିକାଶ ଅଗ୍ରୱାଲ ପ୍ରମୁଖ ସବସତ୍କାର ରେ ସହଯୋଗ କରିଥିବା ବେଳେ ଅତାବିରା ପୋଲିସ ସବ-ଇନିସପେକ୍ଟର ଶ୍ରୀ ପ୍ରଭାତ କୁମାର ସାହୁ ଉପସ୍ଥିତ ରହିଥିଲେ ଏତକ ସଂକଳ୍ପ ପରିବାର ନିରନ୍ତର ଭାବରେ ସମାଜ ର ହିତ ଦୃଷ୍ଟି ରୁ କରିଆସୁଥିବା ମହତ କାର୍ଯ୍ୟ ସକାଶେ ବୃଦ୍ଧିଯିବି ମହଲାରେ ଲୋକେ ପ୍ରସଂଶା କରିଛନ୍ତି ।
