ପଦ୍ମପୁର-ବରଗଡ଼ ଜିଲ୍ଲା ପଦ୍ମପୁର ରାଜବୋଡାସମ୍ବର ଖେଳପଡିଆ ଠାରେ ୨୯ ତମ ସର୍ବଭାରତୀୟ ବୋରାସମ୍ବର କ୍ରିକେଟ କପର ପ୍ରଥମ ସେମିଫାଇନାଲ ମ୍ୟାଚ କ୍ୟୁସିଆଇ ୱାରିଅର ଛତିଶଗଡ ଓ ୟୁନିଅନ ସ୍ପୋର୍ଟିଙ୍ଗ କଟକ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ଛତିଶଗଡ ଦଳ ପ୍ରଥମେ ଟସ ଜିଣି ବ୍ୟାଟିଂ କରିଥିଲେ । ନିର୍ଦ୍ଧାରିତ ୩୫ ଓଭରରେ ୮ ୱିକେଟ ବିନିମୟରେ ୨୨୮ ରନ ସଂଗ୍ରହ କରିଥିଲେ । ଦଳ ପକ୍ଷରୁ ସନି ତିୱାରୀ ୭୨ ବଲ ରେ ୯୭ରନ କରିଥିଲେ ।
ଜବାବରେ କଟକ ଦଳ୩୨.୪ ଓଭରରେ ୪ ୱିକେଟ ବିନିମୟରେ ୨୨୯ ରନ ସଂଗ୍ରହ କରି ବିଜୟୀ ହୋଇଥିଲେ । କଟକ ଦଳ ପକ୍ଷରୁ ଜ୍ୟୋତିରଞ୍ଜନ ଦଳାଇ ୯୩ ବଳରେ ୧୧୬ ରନ ସଂଗ୍ରହ କରିଥିଲେ । ଫଳରେ ୬ ୱିକେଟରେ କଟକ ଦଳ ବିଜୟୀ ହୋଇଥିଲେ। ସେମିଫାଇନାଲ ମ୍ୟାଚର ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ପଦ୍ମପୁର ଆଦର୍ଶ ଥାନାଧିକାରୀ ମମତା ନାୟକ ଓ ସମ୍ମାନିତ ଅତିଥି ଭାବରେ ଅବସରପ୍ରାପ୍ତ ଶିକ୍ଷକ ରାଧାମୋହନ ପାଣିଗ୍ରାହୀ ଯୋଗଦାନ ଦେଇ ମେନ୍ ଅଫ ଦି ମ୍ୟାଚ ଭାବରେ କଟକ ଦଳର ଜ୍ୟୋତିରଞ୍ଜନ ଦଳାଇଙ୍କୁ ପୁରସ୍କୃତ କରିଥିଲେ ।
ଆଜିର ସେମିଫାଇନାଲ ମ୍ୟାଚକୁ ଅମ୍ପାୟାର ଶ୍ୟାମସୁନ୍ଦର ପଣ୍ଡା ଏବଂ ବିଶ୍ୱଜିତ ପୁରୋହିତ ପରିଚାଳନା କରିଥିବା ବେଳେ ସ୍କୋରର ଅମରେଶ ବେହେରା, ରିଙ୍କୁ ବରିହା ଓ ରୋହିଣି ପାଣ୍ଡେ,କୁମାର ଆନନ୍ଦ ଓ ପ୍ରକାଶ ପାତ୍ର ପ୍ରମୁଖ ମ୍ୟାଚର ଧାରାବିବରଣୀ ପ୍ରଦାନ କରିଥିଲେ ।ବୁଧବାର ‘ବି’ ପୁଲର ପ୍ରଥମ ମ୍ୟାଚ ରକେଟ ଇଣ୍ଟରନେସନାଲ ନାଗପୁର ଓ ବ୍ଲୁ ଡାଇମଣ୍ଡ ବରଗଡ଼ ମଧ୍ୟରେ ଅନୁଷ୍ଠିତ ହେବ l
