ବରପାଲି-ବରପାଲି ତହସିଲ ପ୍ରଶାସନ ପକ୍ଷରୁ ସ୍ଵାଧୀନତା ଦିବସ ପାଳନ ଅବସରରେ ସ୍କୁଲ ସ୍ତରିୟ ଛାତ୍ର ଛାତ୍ରୀ ମାନଙ୍କୁ ନେଇ ରଚନା ଓ ସଙ୍ଗୀତ ପ୍ରତିଯୋଗିତା ଆୟୋଜିତ ହୋଇଯାଇଛି। ଗଙ୍ଗାଧର କଲ୍ୟାଣ ମଣ୍ଡପ ପରିସରରେ ପୂର୍ବାହ୍ନ ସମୟରେ ରଚନା ପ୍ରତିଯୋଗିତା ଆୟୋଜିତ ହୋଇ ଥିବାବେଳେ ଅପରାହ୍ନ ସମୟରେ ସଙ୍ଗୀତ ପ୍ରତିଯୋଗିତା ହୋଇଥିଲା । ପ୍ରତିଯୋଗିତାରେ ଲରମ୍ଭା କଲେଜ ଅଧ୍ୟାପକ ପବିତ୍ର କୁମାର ମହାଣା, ପାହାଡ ଶ୍ରିଗିଡା ଆଞ୍ଚଳିକ ଡିଗ୍ରୀ କଲେଜ ଅଧ୍ୟାପକ ଜଗନ୍ନାଥ ପ୍ରଧାନ, କଣ୍ଠ ଶିଳ୍ପୀ ଲକ୍ଷ୍ମୀପ୍ରିୟା ସାହୁ ବିଚାରକ ଭାବରେ ଯୋଗ ଦେଇଥିଲେ ।
ନିମନ୍ତ୍ରିତ ଅତିଥି ଭାବରେ ତହସିଲଦାର ରୁକ୍ମଣ ମେହେର, ବି ଇ ଓ ମକୁନ୍ଦ ମାହାରା, ଅତିରିକ୍ତ ବି ଇ ଓ ରତ୍ନକୁମାର ଭୋଇ ପ୍ରମୁଖ ଯୋଗ ଦେଇଥିଲେ। ଆୟୋଜନ କମିଟି ମୁଖ୍ୟ ଚିତ୍ତ ରଞ୍ଜନ ସାହୁ ଓ ଶିକ୍ଷୟତ୍ରୀ ନିବେଦିତା ସାହୁଙ୍କ ସଂଯୋଜନାରେ କାର୍ଯ୍ଯକ୍ରମ ପରିଚାଳିତ ହୋଇଥିଲା।
