ପଦ୍ମପୁର :-ସ୍ଥାନୀୟ ରାଜବୋଡ଼ାସମ୍ବର ହାଇସ୍କୁଲ ପଡିଆରେ ନେହରୁ ସ୍ପୋର୍ଟିଂ ଦ୍ଵାରା ଆୟୋଜିତ ସ୍ଵର୍ଗତ ପ୍ରେମାନନ୍ଦ ସିଂ ବରିହା ଓ ସ୍ଵର୍ଗତ ବିଜୟ ରଞ୍ଜନ ସିଂ ବରିହା ସ୍ମାରକୀ ରାତ୍ରିକାଳୀନ କ୍ରିକେଟ ଟୁର୍ଣ୍ଣାମେଣ୍ଟ ର ଆଜିର ପ୍ରଥମ ମ୍ୟାଚ୍ ଇଲେକ୍ଟ୍ରି ସ୍ପୋର୍ଟିଂ ଓ କପସିଲା ଦଳ ମଧ୍ୟରେ ଅନୁଷ୍ଠିତ ହୋଇଥିଲା l ଅତିଥି ଭାବେ ସାମ୍ବାଦିକ ସଂଘର ରତ୍ନମଣି ଶତପଥୀ, ପ୍ରଦୀପ୍ତ ଦାଶ, କିରଟି ସାହୁ, ଅଶ୍ୱିନୀ ଧରୁଆ, ହେମନ୍ତ ସାହୁ, ସୁଦାମ ପଧାନ, ଓ ଶିକ୍ଷକ ନରେନ୍ଦ୍ର ପ୍ରଧାନ, କିଶୋର ପାତ୍ର ଯୋଗଦେଇଥିଲେ l କପସିଲା ଦଳ ପ୍ରଥମେ ଟସ୍ ଜିଣି ବ୍ୟାଟିଂ କରି ପାଞ୍ଚ ଓଭର ରେ ୪୯ ରନ୍ ସଂଗ୍ରହ କରିଥିଲା l ପ୍ରତି ଜବାବ ରେ ଇଲେକ୍ଟ୍ରି ସ୍ପୋର୍ଟିଂ ଚାରି ଓଭର ରେ ୫୦ ରନ୍ କରି ବିଜୟ ଲାଭ କରିଥିଲା l ସେହିପରି ଗତକାଲି ର ମ୍ୟାଚ୍ ରେ ଅତିଥି ଭାବେ ବଣିକ ସଂଘ ସଭାପତି ପ୍ରତାପ କୁମାର ମିଶ୍ର, ସମ୍ପାଦକ ନନ୍ଦ କିଶୋର ଅଗ୍ରୱାଲ, ଅନିଶ୍ କୋଟେଛା, ରବି ନାରାୟଣ ଦୋରା, ମହମ୍ମଦ ଅବତାବ ଯୋଗଦେଇଥିଲେ l ୧୬ ଗୋଟି ଦଳ ନିଜର କ୍ରୀଡା ପ୍ରଦର୍ଶନ କରିଥିଲେ l ପରେ କ୍ଵାଟର ଫାଇନାଲ ମ୍ୟାଚ୍ ରେ ପ୍ରଥମେ ବିଶୋରା ଦଳ ବ୍ୟାଟିଂ କରି ନିର୍ଦ୍ଧାରିତ ୫ ଓଭର ରେ ୬ ୱିକେଟ ବିନିମୟରେ ୨୯ ରନ୍ ସଂଗ୍ରହ କରିଥିଲା l ପ୍ରତି ଜବାବ ରେ ମୁଣ୍ଡାପାଲି ଦଳ ଗୋଟିଏ ୱିକେଟ ବିନିମୟରେ ତିନି ଓଭର୍ ରେ ୩୦ ରନ୍ ସଂଗ୍ରହ କରି ସେମିଫାଇନାଲ ରେ ପ୍ରବେଶ କରିଛି l ମ୍ୟାନ୍ ଅଫ ଦି ମ୍ୟାଚ ଚିନ୍ମୟ ଙ୍କୁ ପ୍ରଦାନ କରାଯାଇ ଥିଲା l ଆଜିର ଏହି ମ୍ୟାଚ୍ କୁ ରାକେଶ ପଟେଲ ଓ ସାୱନ ପ୍ରସାଦ ସାହୁ ପରିଚାଳନା କରିଥିବା ବେଳେ ବିକାଶ, ବବଲୁ, ସୁଜିତ୍, ଟିନୁ, ସାହିଲ, ନିଖିଲ, ରାଜୁ, ପିଣ୍ଟୁ, ବିକାଶ, ଶୁଭଙ୍କର, ସତ୍ୟମ୍ ପ୍ରମୁଖ ସହଯୋଗ କରିଥିଲେ l