ପାଟଣାଗଡ଼ – ରମାଇ ହାଇସ୍କୁଲ ପଡିଆରେ ଚାଲିଥିବା ସର୍ବଭାରତୀୟ ପାଟଣା କପ କ୍ରିକେଟ ପ୍ରତିଯୋଗିତା ରେ ଶୁକ୍ରବାର ଦିନ ପୁଲ ଵି ର ସେମି ଫାଇନାଲ ମ୍ୟାଚରେ କଟକ ରାଇଜିଙ୍ଗ ଷ୍ଟଟେଣ୍ଟ ଓ ପାଟଣାଗଡ଼ କ୍ରିକେଟ କ୍ଲବ ମଧ୍ୟରେ ହୋଇଥିବା ମ୍ୟାଚରେ ପାଟଣାଗଡ଼ କ୍ରିକେଟ କ୍ଲବ ଦଳ ଟସ ଜିଣି ପ୍ରଥମେ ବ୍ୟାଟିଂ କରି ୨୬.୪ ଓଭରରେ ସମସ୍ତ ବିକେଟ ହରାଇ ୧୪୭ ରନ ସଂଗ୍ରହ କରିଥିଲା। ଜବାବରେ କଟକ ରାଇଜିଙ୍ଗ ଷ୍ଟଡେଣ୍ତ ୨୫ ଓଭରରେ ୫ ବିକେଟ ହରାଇ ୧୫୦ ରନ କରି ବିଜୟୀ ହୋଇ ଫାଇନାଲ ରେ ପ୍ରବେଶ କରିଥିଲା। କଟକ ରାଇଜିଙ୍ଗ ସ୍ଟୁଡେଣ୍ଟ ପକ୍ଷରୁ ଆଦିତ୍ୟ ରାଉତ ୫୨ ବଳରେ ୫୫ ରନ ଓ ୩ ଓଭର ବୋଲିଂ କରି ୨ ଟି ବିକେଟ ନେଇ ମ୍ୟାନ ଅଫ ଦି ମ୍ୟାଚ ପୁରସ୍କୃତ ହୋଇଥିଲେ।
ମୁଖ୍ୟଅତିଥି ଭାବେ ପାଟଣାଗଡ଼ ଉପଖଣ୍ଡ ଆରକ୍ଷୀ ଅଧିକ୍ଷକ ସଦାନନ୍ଦ ପୁଝାରୀ ଓ ପାଟଣାଗଡ଼ ଥାନାଧିକାରୀ ହରିବନ୍ଧୁ ଗଡ଼ତିଆ ଯୋଗଦେଇଥିଲେ। ଏହି ମ୍ୟାଚକୁ ସତ୍ୟ ରଥ ଓ ପୃଥ୍ୱୀରାଜ ମିଶ୍ର ପରିଚାଳନା କରିଥିବାବେଳେ ସ୍କୋରର ଦାୟିତ୍ୱରେ ଗଜପତି ନାୟକ ଓ ପାହୁଳ ରାଉତ ଥିବାବେଳେ ସନ୍ତୋଷ ନାୟର ଓ ଅଂଶୁମାନ ମିଶ୍ର ଧାରା ବିବରଣୀ ପ୍ରଦାନ କରିଥିଲେ।ଏହି ସେମିଫାଇନାଲ ମ୍ୟାଚ ଦେଖିବାକୁ ପ୍ରବଳ ଜନସମାଗମ ଦେଖିବାକୁ ମିଳିଥିଲା। ରବିବାର ହେବାକୁଥିବା ଫାଇନାଲ ମ୍ୟାଚ କଟକ ରାଇଜିଙ୍ଗ ସ୍ଟୁଡେଣ୍ଟ ଓ ଝାରଖଣ୍ଡ ର ରାଞ୍ଚି ସେରସା ଦଳ ମଧ୍ୟରେ ଅନୁଷ୍ଠିତ ହେବ।
