ପଦ୍ମପୁର-ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ , ଜମରତଲା ଠାରେ ଗଙ୍ଗାଧର ଜୟନ୍ତୀ ପ୍ରଧାନ ଶିକ୍ଷକ ରାଜେଶ ଖମାରୀଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ପ୍ରଥମେ ସ୍ବଭାବ କବି ଗଙ୍ଗାଧର ମେହେରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପରେ ପ୍ରାରମ୍ଭରୁ ହିତାକାଂକ୍ଷୀ, ସୋହାନି, ସାହୁ ଦ୍ୱାରା ପ୍ରାରମ୍ଭିକ ସଂଗୀତ ‘ବିଶ୍ୱଦେଖ ମଧୁମୟରେ ଜୀବନ ‘ପରିବେଷଣ କରାଯାଇଥିଲା l
ଶିକ୍ଷକ ରୂପଧର ନାୟକ ସଭା କାର୍ଯ୍ୟ ସଂଯୋଜନା ସହ ମଂଚାସୀନ ଅତିଥିଙ୍କ ପରିଚୟ ପ୍ରଦାନ କରିଥିଲେ l ପ୍ରଧାନ ଶିକ୍ଷକ ଶ୍ରୀଯୁକ୍ତ ଖମାରି ସଭାପତିତ୍ବ କରି ଗଙ୍ଗାଧର ସାହିତ୍ୟରେ ଭାରତୀୟ ନାରୀଙ୍କ ଚରିତ୍ର ଉପରେ ସୀତାଙ୍କ ପତିବ୍ରତା ବ୍ରତ , ପ୍ରକୃତି ଓ ଗଙ୍ଗାଧର ଉପରେ ଉପସ୍ଥିତ ଛାତ୍ର ଛାତ୍ରୀଙ୍କୁ ଅଭିଭାଷଣ ପ୍ରଦାନ କରି ଉତ୍ତମ ଚରିତ୍ର ଗଠନରେ ଛାତ୍ରଙ୍କ ଭୂମିକା ଅନିର୍ଵାର୍ଯ୍ୟ ବୋଲି ବକ୍ତବ୍ୟ ରଖିଥିଲେ l
ଅନୁଷ୍ଠିତ ବକ୍ତୃତା ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କୃତ କରାଗଲା ସହ କାରି ଶିକ୍ଷକ ଘନଶ୍ୟାମ ସାହୁ, ସାନନ୍ଦ ମହାନନ୍ଦ, ଭୀଷ୍ମଦେବ ବାରିକ ସହଯୋଗ କରିଥିଲେ l ପିଲାଙ୍କୁ ବିସ୍କୁଟ ବଣ୍ଟନ ପରେ ବରିଷ୍ଠ ଶିକ୍ଷକ ରଘୁନାଥ ପୁରୀ ଧନ୍ୟବାଦ ଅର୍ପଣ କରିଥିଲେ l
