ବରପାଲି – ବରପାଲି ଯୋଗେଶ୍ୱର ମନ୍ଦିର ପରିସରରେ ନିତ୍ୟାନନ୍ଦ ଉଦଣ୍ଡ ସଂକୀର୍ତ୍ତନ ମଣ୍ଡଳକୁ ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଅଭୟ ଚରଣ ହୋତା ସଭାପତିତ୍ୱ କରିଥିବା ବେଳେ ପୁରୀ ବଡ଼ ଆଖଡା ମଠରୁ ମହନ୍ତ ସନ୍ଥ ଚରଣ ଦାସ ଓ ବାବାଜୀ ରାମ ନାରାୟଣ ଦାସ ଅତିଥି ଭାବେ ଯୋଗ ଦେଇ ଆଧୁନିକ ଯୁଗରେ କାଳକ୍ରମେ ସଂକୀର୍ତ୍ତନକୁ ମଧ୍ୟ ଟଙ୍କାର ମାଧ୍ୟମ କରି ଅଶ୍ଳୀଳ ସ୍ୱର ତଥା ଅଙ୍ଗ ପ୍ରଦର୍ଶନ କରୁଥିବାରୁ କ୍ଷୋଭ ପ୍ରକାଶ କରିଥିଲେ ।
ଏହାକୁ କିଭଳି ବାଦ ଦିଆଯିବ ସେନେଇ ପ୍ରସ୍ଥାବ ଗୃହୀତ ହୋଇଥିଲା । ଏହି ଅବସରରେ ମଣ୍ଡଳର ଉପସଭାପତି ଭାବେ ସଂକୀର୍ତ୍ତନ ଗାୟକ ନିତ୍ୟାନନ୍ଦଙ୍କୁ ମନୋନୀତ କରାଯାଇଥିଲା । ବୈଠକରେ ବରଗଡ଼ ଜିଲ୍ଲା ସମେତ ସୋନପୁର, ସମ୍ବଲପୁର ଜିଲ୍ଲାର ବହୁ ସଂକୀର୍ତ୍ତନ ଗାୟକ ମାନେ ଯୋଗ ଦେଇଥିଲେ ।
